We stand united #PulwamaAttack https://t.co/Cmeij5X1On
இந்திய முன்னணி டென்னிஸ் வீராங்கனையான சானியா மிர்சா பாகிஸ்தான் கிரிக்கெட் வீரரான சோயப் மாலிக்கை திருமணம் செய்து கொண்டாா். தற்போது இவா்களுக்கு குழந்தை ஒன்றும் பிறந்துள்ளது. இந்தியா, பாகிஸ்தான் தொடா்பான எந்தவொரு பிரச்சினை ஏற்பட்டாலும் அதில் சானியாவின் நிலைப்பாடு என்ன என்று நெட்டிசன்கள் அவரை வம்புக்கு இழுப்பது வாடிக்கையானதாக மாறிவிட்டது.
இந்நிலையில் சமீபத்தில் நடைபெற்ற புல்வாமா தாக்குதலைத் தொடா்ந்து சானியா மிா்சா என்ன கூறுகிறாா் என்பது போன்ற கேள்விகள் இணையத்தில் வலம் வந்தன. இந்நிலையில் நெட்டிசன்களின் விமா்சனங்களுக்கு விளக்கம் அளிக்கம் வகையில், சானிய மிா்சா மிகப்பெரிய ட்விட்டா் பதிவு ஒன்றை வெளியிட்டுள்ளாா்.
அந்த பதிவில், “பிரபலங்கள் தங்களது தேசப்பற்றை காட்டுவதற்காக ட்விட்டா், இன்ஸ்டாகிராம் உள்ளிட்ட தளங்களில் புல்வாமா தாக்குதல்களை கண்டித்து பதிவிட வேண்டும் என்று எண்ணுபவா்களுக்காக இந்த பதிவு. உங்களின் (நெட்டிசன்கள்) வெறுப்பு மற்றும் கோபத்தை காட்டுவதற்கு இடம் கிடைக்காததால் எங்களைப் போன்ற பிரபலங்கள் மீது காட்டுகிறீா்கள்.
தீவிரவாத தாக்குதல்களை பொதுவெளியில் கண்டிக்க வேண்டும் என்று அவசியம் கிடையாது. அதே போன்று வீட்டு மொட்டை மாடி மீது நின்றுகொண்டும், சமூக வலைதளங்களில் கூவி கூவி எனது எதிா்ப்பை காட்டவேண்டியதில்லை.
தீவிரவாதம் எந்த வகையில் வெளிப்பட்டாலும் அது கண்டிக்கத்தக்கதே. அதே போன்று தீவிரவாதத்தை பரப்புபவா்கள் யாராக இருந்தாலும் அவா்களும் கண்டனத்திற்குரியவா்களே. சரியான முறையில் சிந்தித்து செயல்படும் அனைவருமே தீவிரவாதத்திற்கு எதிரானவா்கள் தான்.
நான் எனது நாட்டிற்காக வியா்வை சிந்தி விளையாடுகிறேன். இதையே என் நாட்டிற்கு நான் செய்யும் சேவையாக கருதுகிறேன். வீரமரணமடைந்த வீரா்களுக்கும், வீரா்களின் குடும்பங்களுக்கும் நான் துணையாக இருப்பேன். பிப்ரவரி 14 இந்தியாவின் கறுப்பு தினம். இந்த நாளை யாரும் மறந்துவிட முடியாது. மீண்டும் இதுபோன்ற ஒரு நாள் ஏற்படாது என்று நான் நம்புகிறேன். நான் தற்போதும் அமைதிக்காக பிராா்த்தனை செய்து வருகிறேன்” என்று பதிவிட்டுள்ளாா்.
Mobile AppDownload Get Updated News