Virat Kohli:கோலியில் வசூல் சாதனையை தொட்ட பிவி சிந்து - கெத்து காட்டும் பேட்மிண்டன்

உலகளவில் அதிகம் சம்பாதிக்கும் விளையாட்டு வீரர்கள் பட்டியலில், இந்தியாவின் விராட் கோலியும் இடம்பெற்றுள்ளார்.

கோலியின் விளம்பர வசூல் சாதனையை சமன் செய்யும் அளவிற்கு அதிக தொகைக்கு ஒப்பந்தம் செய்யப்பட்டுள்ளார் பேட்மிண்டன் வீராங்கனை பிவி சிந்து.

இந்திய கிரிக்கெட் கேப்டனான விராட் கோலி புமா ஸ்போர்ட்ஸ் நிறுவனத்திடம் 8 ஆண்டுகளுக்கு ரூ. 100 கோடிக்கு ஒப்பந்தம் செய்துகொண்டார். ஆண்டுக்கு ரூ. 12.8 கோடி வீதம் ஒப்பந்தம் செயப்பட்டுள்ளது.

வசூல் அள்ளிய பிவி சிந்து :
இந்நிலையில் இந்திய பேட்மிண்டன் வீராங்கனை பிவி சிந்து உடன் சீனாவின் விளையாட்டு உபகரண நிறுவனம் லீ நிங் எனும் நிறுவனம் ரூ. 50 கோடிக்கு 4 ஆண்டுக்கு ஒப்பந்தம் செய்துள்ளது.

அதில் ரூ. 40 கோடி வரை பிவி சிந்துவுக்கு வழங்கப்படும் என்றும், மீதம் உள்ள தொகை அவருக்கு விளையாடு உபகரணங்கள் மற்ற முறையிலும் கொடுக்கப்படும் என தெரிவிக்கப்பட்டுள்ளது.


சீனாவின் லீ நிங் நிறுவனத்துடன் ஒப்பந்தம் செய்துள்ள இந்தியாவின் சன்லைட் ஸ்போர்ட்ஸ் பிரைவேட் லிமிடெட் ரு. 50 கோடிக்கான ஒப்பந்தத்தை பிவி சிந்து உடன் செய்துள்ளது.

பேட்மிண்டன் வீரர்களிலேயே அதிக விளம்பரத்திற்காக ஒப்பந்தம் செய்யப்பட்டுள்ள வீராங்கனை என்ற பெருமையை பிவி சிந்து பெற்றுள்ளார்.

அவருடன், கிடம்பி ஸ்ரீகாந்த் 4 ஆண்டுகளுக்கு ரூ. 35 கோடிக்கு ஒப்பந்தம் செய்யப்பட்டுள்ளார். இந்த ஒப்பந்தத்தில் சாய்னா நேவால் பெயரும் இடம்பெற்றுள்ளது.