சிந்துவுக்கு தமிழ் தான் பிடிக்குமாம்!

ஹைதராபாத்: இந்திய ஒலிம்பிக் நாயகி பி.வி.சிந்துவிற்கு தமிழ் மிகவும் பிடிக்கும் என தெரிவித்துள்ளார்.

பிரேசிலின் ரியோ டி ஜெனிரோவி[ல் நடந்த ஒலிம்பிக் போட்டியின் பேட்மிண்டன் ஒற்றையர் பிரிவில் இந்திய வீராங்கனை பி.வி.சிந்து வெள்ளி வென்று சாதித்தார். இதன் பின் தாயகம் திரும்பிய இவருக்கு உற்சாக வரவேற்பு அளிக்கப்பட்டது.

இதன்பின் சமீபத்தில் சென்னை வந்த இவர், தனக்கு தமிழ் மிகவும் பிடிக்கும் என்றும், நேரம் கிடைக்கும் போது தமிழ் படங்களை பார்பேன் என்றும் கூறியுள்ளார்.

இதுகுறித்து சிந்து கூறியது:
ரியோவில் இருந்து தாயகம் திரும்பிய போதூ மிகவும் ஆச்சரியமாக இருந்தது. சிறு குழந்தை கூட எனது பேனரை வைத்து கொண்டிருந்ததை பார்த்த போது பெருமையாக இருந்தது. பேட்மிண்டனை தவிர்த்து எனக்கு டென்னிஸ் என்றால் மிகவும் பிடிக்கும். நடால், ஜோகோவிச்சை மிகவும் பிடிக்கும் அவர்களுடன் அதிகம் பேசியதில்லை. ஆனால் அவர்களுடன் போட்டோ எடுத்துள்ளேன். தற்போது விளையாட்டு நட்சத்திரங்களின் வாழ்க்கையை படமாக்குவது மிகவும் பிரலபமாகவுள்ளது. தற்போது வரை என்னிடம் யாரும் இதை கேட்கவில்லை. அதற்கு பொருத்தமாக யார் நடிப்பார்கள் என்பது குறித்த எந்த எண்ணமும் இல்லை. ஆனால் எதிர்காலத்தில் இது குறித்து சிந்திப்பேன். எனது தாய் சென்னையில் தான் பிறந்து வளர்ந்தார். எனக்கு தமிழ் பேச தெரியவில்லை என்றாலும் நேரம் கிடைக்கும் போது தமிழ்படங்களை விரும்பிபார்ப்பேன். அப்படி நான் கடைசியாக பார்த்தப்படம் ராஜா ராணி.
இவ்வாறு அவர் கூறினார்.