பிரேசில் நாட்டின் ரியோ டி ஜெனிரோ நகரில் ஒலிம்பிக் போட்டிகள் நிறைவடைந்து, தற்போது மாற்றுத் திறனாளிகளுக்கான பாராலிம்பிக் போட்டிகள் நடைபெற்று வருகின்றன.
இதனிடையே, கரடுமுரடானதும், வளைவுகள் நிறைந்ததுமான மலைப்பாதையில் நேற்று சைக்கிள் ஓட்டும் போட்டி நடைபெற்றது. இந்தப் போட்டியில் பங்கேற்ற ஈரான் நாட்டு பாராலிம்பிக் வீரர் சராப்ரஸ் பஹ்மான் கோல்பர்னெஸாத் பங்கேற்று இதர நாட்டு வீரர்களுக்கு போட்டியாக தனது சைக்கிளை வேகமாக மிதித்தபடி சென்றார். ஒரு குறுகிய வளைவில், எதிர்பாராதவிதமாக இன்னொரு சைக்கிள் மீது அவரது சைக்கிள் மோதியது. அதில் அவர் பலத்த காயமடைந்தார்.
இதையடுத்து அவருக்கு சம்பவ இடத்திலேயே சிகிச்சை அளிக்கப்பட்டது. அதைத் தொடர்ந்து பார்ராவில் உள்ள மருத்துவமனைக்கு கொண்டு செல்லப்பட்ட அவர், மாரடைப்பால் உயிரிழந்தார்.
இது தொடர்பாக ஈரானில் உள்ள கோல்பர்நெஸாத்தின் குடும்பத்தினருக்கும், ஈரான் அணியினருக்கும் தெரிவிக்கப்பட்டுள்ளது. பாரா ஒலிம்பிக் போட்டி ஞாயிற்றுக்கிழமையோடு நிறைவடைந்தது. நிறைவு விழாவில் கோல்பர்நெஸாத் உயிரிழந்தது அனைவரையும் சோகத்தில் ஆழ்த்தியுள்ளது.
Mobile AppDownload Get Updated News