ஜூனியர் உலகக்கோப்பை இந்தியாவுக்கு மூன்று தங்கம்!

கபாலா: அஜர்பெய்ஜானில் நடக்கும் ஜூனியர் துப்பாக்கி சுடுதல் உலக்கோப்பையில் இந்திய வீரர்கள் 3 தங்கப்பதக்கத்தை வென்றனர்.

அஜர்பெய்ஜானில் உள்ள கபாலாவில் ஜூனியர் துப்பாக்கி சுடுதல் உலக்கோப்பை நடக்கிறது. இதன்முதல் நாளில் இதன் 50 மீ., ரைபிள் பிரான் பிரிவில், இந்தியாவின் சுபான்கர் பிராமானிக் 205.5 புள்ளிகள் பெற்று தங்கப்பதக்கம் வென்றார். இதில் செக்குடியரசின் பிலிப் (205.2 புள்ளிகள்) வெள்ளிப்பதக்கமும், ருமேனியாவின் டிரா கோமிர் வெண்கலப்பதக்கமும் வென்றனர்.

இதேபோல மற்றொரு இந்திய வீரரான சம்பாஜி பாடீல், 25 மீ., ஸ்டாண்டர்ட் பிஸ்டல் பிரிவில் தங்கம் வென்றார். இது தவிர சம்பாஜி அணிகளுக்கான போட்டியிலும் தங்கம், வென்றார். இது தவிர அசத்திய இந்திய வீரர்கள் 4 வெள்ளிப்பதக்கம், 3 வெண்கலப்பதக்கமும் வென்றுள்ளனர்.