ஆசிய பாராலிம்பிக் போட்டி: தங்க நாயகன் தங்கவேலுக்கு கிடைத்த கவுரவம்!

இந்தோனேஷிய தலைநகர் ஜகார்த்தாவில், வரும் 6ம்தேதி முதல் 13 வரை ஆசிய பாராலிம்பிக் போட்டிகள் நடக்கவுள்ளது. இதில் இந்தியா சார்பில் வீரர், வீராங்கனைகள், அதிகாரிகள் என மொத்தமாக 302 பேர் கலந்து கொள்கின்றனர்.

சர்ச்சை:
இதில் பங்கேற்கும் வீரர், வீராங்கனைகள் ஆசிய கேம்ஸ் கிராமத்துக்குள் நுழைந்த போது அனுமதி மறுக்கப்பட்டது. இதற்கு விளையாட்டு அமைச்சகம், கொடுக்க வேண்டிய 2.5 லட்சம் அமெரிக்க டாலர்களை வழங்காததே காரணம் என தெரியவந்தது.

தமிழக வீரர்:
இதையடுத்து ஒரு வழியாக அந்த சிக்கல்கள் தீர்க்கப்பட்டு, இந்திய வீரர்கள் கிராமத்துக்குள் அனுமதிக்கப்பட்டனர். இந்நிலையில், ஆசிய பாராலிம்பிக் போட்டிகளில், இந்தியா சார்பில் கொடி ஏந்திச்செல்லும் பெருமையை, ரியோ பாராலிம்பிக்கில் தங்கம் வென்று அசத்திய தமிழகத்தின் மாரியப்பன் தங்கவேலு பெற்றார்.