கிராண்ட்ஸ்லாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது. முன்னர் நடைபெற்ற பெண்கள் ஓற்றையர் பிரிவு கால்இறுதி ஆட்டத்தில் 6 முறை சாம்பியன் பட்டம் வென்ற செரீனா வில்லியம்ஸ் 6-4 , 6-3 என்ற நேர்செட்டில் செக்குடியரசு வீராங்கனை கரோலினா பிளிஸ்கோவாவை தோற்கடித்து அரைஇறுதிக்குள் நுழைந்தார். 36 வயதான செரீனா வில்லியம்ஸ் இந்த வெற்றியை அடைய 1 மணி நேரம் 26 நிமிடமே பிடித்தது.
மற்றொரு ஆட்டத்தில்லத்வியா வீராங்கனை செவஸ்டோவா 6-2, 6-3 என்ற நேர்செட்டில் நடப்பு சாம்பியனான ஸ்லோனா ஸ்டீன்சுக்கு அதிர்ச்சி அளித்து அரைஇறுதிக்குள் தடம் பதித்தார்.
இந்நிலையில் நேற்று நடைபெற்ற அரைஇறுதி போட்டியில் செவஸ்டோவா, செரீனா வில்லியம்சை எதிர்கொண்டார். போட்டி ஆரம்பத்தில் இருந்தே ஆதிக்கம் செலுத்தி வந்த செரீனா வில்லியம்ஸ் 6-0, 6-3 என்ற நேர்செட் கணக்கில் லத்வியா வீராங்கனை செவஸ்டோவாவை தோற்கடித்தார். 6 முறை சாம்பியனான செரீனா வில்லியம்ஸ் இறுதிப்போட்டிக்கு முன்னேறியுள்ள நிலையில்தனது 24 வதுகிராண்ட் ஸ்லாம் பட்டத்தைஎதிர்நோக்கியுள்ளார்.
Mobile AppDownload Get Updated News