உலக கோப்பை ஹாக்கி: இந்திய அணி ஜெர்சி அறிமுகம்!

புவனேஷ்வர்: புவனேஷ்வரில் நடக்கவுள்ள உலக கோப்பை ஹாக்கி தொடருக்கான இந்திய அணியின் ஜெர்சி அறிமுகப்படுத்தப்பட்டது.

உலகக்கோப்பை ஹாக்கி தொடர் புவனேஷ்வரில் வரும் நவம்பர் 28 முதல் டிசம்பர் 16 வரை நடக்கவுள்ளது. இதில் மொத்தமாக 16அணிகள் 4 பிரிவுகளாக பங்கேற்கவுள்ளது. இந்திய அணி, சி பிரிவில் இடம்பெற்றுள்ளது. இந்திய அணி தனது முதல் போட்டியில், தென்னாஃப்ரிக்காவை எதிர்கொள்கிறது.

இத்தொடரில், முன்னணி அணிகளான ஆஸ்திரேலியா, அர்ஜெண்டினா, பெல்ஜியம் உள்ளிட்ட அணிகளும் பங்கேற்கவுள்ளது. இந்நிலையில் தொடருக்கான இந்திய அணியின் ஜெர்சி அறிமுகப்படுத்தப்பட்டது. இதை பிரபல ஆடை வடிவமைப்பாளர் நரேந்திர குமார் வடிவமைத்துள்ளார்.