உலகின் பல்வேறு நாடுகளில் ஆண்டுதோறும் ஃபார்முலா-1 கார்பந்தயம் நடப்பது வழக்கம். இந்த ஆண்டுக்கான தொடர் மொத்தம் 21 சுற்றுகளாக நடக்கிறது. இதன் 14வது சுற்றுக்கான ஃபைனல் போட்டி மான்ஜாவில் நடந்தது.
சீறிப்பாய்ந்த ஹாமில்டன்.....
இதில் மெர்சிடஸ் அணியின் லீவிஸ் ஹாமில்டன் முதலிடம் பிடித்தார். மொத்தமாக 53 சுற்றுகள் கொண்ட இந்த போட்டியில் ஹாமில்டன், பந்தய எல்லையை 1.16.54.484 நிமிடத்தில் கடந்து முதலிடம் பிடித்தார்.
இவரைவிட கூடுதலாக 8.705 வினாடிகள் எடுத்துக்கொண்ட பெராரி வீரர் கிமி ரெய்கோனன் இரண்டாவது இடம் பிடித்தார். மற்றொரு மெர்சிடஸ் வீரர் வால்டேரி போடஸ் (+14.066 நிமிடங்கள்) மூன்றாவது இடம் பிடித்தார். வெட்டல் நான்காவது இடம் பிடித்தார்.
நம்பர்-1 ஹாமில்டன்.....
இந்த வெற்றியின் மூலம் ஹாமில்டனுக்கு 25 புள்ளிகள் கிடைத்தது. இதையடுத்து இந்த ஆண்டுக்கான தொடரில் மொத்தமாக 256 புள்ளிகள் பெற்ற சாம்பியன்ஷிப் லீவிஸ் ஹாமில்டன் வீரர்கள் பட்டியலில் ‘நம்பர்-1’ இடத்தில் நீடிக்கிறார்.
சூமேக்கர் சாதனை சமன்....
இதன் மூலம் இத்தாலி கிராண்ட் பிரிக்ஸில் அதிக முறை சாம்பியன் பட்டம் வென்ற மைக்கேல் சூமேக்கரின் சாதனையை (5 முறை) மெர்சிடஸ் வீரர் லீவிஸ் ஹாமில்டன் சமன் செய்தார்.
Mobile AppDownload Get Updated News