ஆசிய விளையாட்டில் பதக்கம் வென்ற ராணுவ வீரர்களுக்குப் பாராட்டு

ஆசிய விளையாட்டுப் போட்டிகளில் பதக்கங்களை வென்ற ராணுவ வீரர்களுக்கு இந்திய ராணுவம் சார்பில் வாழ்த்து தெரிவிக்கப்பட்டுள்ளது.

18வது ஆசிய விளையாட்டு போட்டிகள் இந்தோனேஷியா நாட்டின் ஜகர்தா மற்றும் பால்ம்பேங் நகரங்களில் ஆகஸ்டு 18 முதல் செப்டம்பர் 2 வரை நடைபெற்றது.

இதில் இந்தியா 15 தங்கம், 24 வெள்ளி மற்றும் 30 வெண்கலம் உட்பட 69 பதக்கங்களை வென்று சாதனை படைத்தது. இப்போட்டிகளில் இந்திய ராணுவத்தைச் சேர்ந்த வீரர்கள் 10 பேர் 11 பதக்கங்களை வென்று நாட்டுக்குப் பெருமை சேர்த்துள்ளனர். 4 தங்கம், 4 வெள்ளி மற்றும் 3 வெள்ளிப் பதக்கங்கள் இதில் அடங்கும்.
இந்நிலையில், பதக்கம் வென்ற ராணுவத்தினருக்கு வாழ்த்து தெரிவித்துள்ள ராணுவம், “ராணுவத்தின் ஒலிம்பிக் மிஷனை நோக்கி வீரர்கள் சிறப்பாக செயல்பட்டிருக்கிறார்கள். அவர்கள் ஒலிம்பிக் போட்டிகளிலும் பதக்கம் வெல்ல தொடர்ந்து ஆதரவளிப்போம்.” என்று தெரிவித்துள்ளது.