கபடியில் மீண்டும் பாகிஸ்தானை ஓடி ஓட அடித்த இந்தியா

கபடி மாஸ்டர்ஸ் துபாய் 2018 போட்டியில் பாகிஸ்தானை 41 - 17 என்ற புள்ளி கணக்கில் இந்தியா அபார வெற்றி பெற்றுள்ளது.

துபாயில் கபடி மாஸ்டர்ஸ் 2018 போட்டித் தொடர் நடைப்பெற்று வருகின்றது. இதில் மொத்தம் 6 அணிகள் விளையாடுகின்றன.

இதில் இந்தியா, பாகிஸ்தான், கென்யா ஆகிய மூன்று அணிகள் ஒரு பிரிவிலும், தென் கொரியா, அர்ஜெண்டினா, ஈரான் ஆகிய அணிகள் ஒரு பிரிவிலும் விளையாடுகின்றன. ஒரு பிரிவில் ஒரு அணி மற்ற அணியுடன் இரு முறை விளையாடும்.

முதல் போட்டியில் இந்தியா, பாகிஸ்தானை 36-20 என்ற புள்ளி கணக்கிலும், 2வது போட்டியில் கென்யாவை 48-19 என்ற புள்ளி கணக்கில் வீழ்த்தி வெற்றி பெற்றிருந்தது.

3வது தொடர் வெற்றி:
இந்த தொடரில் இந்தியா விளையாடிய 3வது போட்டியில், இந்தியா - பாகிஸ்தான் அணிகள் மோதின. இதில் இந்தியா 41 - 17 புள்ளி கணக்கில் இந்தியா அபார வெற்றி பெற்று சிறப்பான வெற்றியை பதிவு செய்தது.

நாளை கென்யாவுக்கு எதிராக 4வது போட்டியில் இந்தியா விளையாட உள்ளது.

அரையிறுதியில் இந்தியா :
4ல் 3 போட்டியில் வெற்றி பெற்றுள்ளதால் இந்தியா அரையிறுதிப் போட்டிக்கு முனேறியுள்ளது.

அதே போல் பி பிரிவில் ஈரான் 4ல் 3 வெற்றியை பெற்று அரையிறுதிக்கு முன்னேறியுள்ளது. மேலும் இரு அணிகள் தகுதி பெற வேண்டியுள்ளது.

இதுவரை 3 முறை உலகக் கோப்பை கபடிப் போட்டிகள் நடந்துள்ளன. இதில் இந்தியா 3 முறையும் வென்று சாதித்துள்ளது.