Saudi Arabia vs Egypt : ஆறுதல் வெற்றி கூட பெற முடியாத எகிப்து - சவுதி அரேபியாவிடம் தோல்வி

இன்று நடந்த உலகக் கோப்பை கால்பந்து ‘ஏ’ பிரிவில், எகிப்து அணியை சவுதி அரேபியா 2-1 என்ற கோல் கணக்கில் வீழ்த்தி ஆறுதல் வெற்றியை பெற்றது.

எகிப்து நாயகன் முகமத் சாலா :
எகிப்து நாட்டை சேர்ந்த முகமத் சாலா, கால்பந்தின் முன்கள வீரராக செயல்படுகிறார். 25 வயதான சாலா எகிப்து அணிக்காகவும், லிவர்பூல் எஃப்.சி கிளப் அணிக்காகவும் விளையாடி வருகின்றார். இவரின் அதிரடியால் ஆப்ரிக்க நாட்டில் மிக சிறந்த கால் பந்து அணியாக திகழ்கிறது.

அடிவாங்கிய எகிப்து :
உருகுவே, ரஷ்யா அணிகளுடன் தோல்வியை தழுவியிருந்த எகிப்து - சவுதி அரேபியா அணிகள் இன்று ஆறுதல் வெற்றியை தேடி விளையாடியது.
இந்த போட்டியில் எகிப்தின் முகமது சாலா 22’ வது நிமிடத்தில் கோல் அடித்து முன்னிலைப் பெற செய்தார்.
இருப்பினும் முதல் பாதியின் இறுதியின் கூடுதல் நேரத்தில் 45+6’ நிமிடங்களில் சல்மான் அல்-பராஜ் கோல் அடித்து போட்டியை சமன் செய்தார்.

சவுதி அரேபியா வெற்றி:
போட்டியை கைப்பற்ற இரு அணி வீரர்களும் கடுமையாக முயற்சித்தன. இருப்பினும் பயனளிக்கவில்லை. போட்டிக்கான 90 நிமிடங்கள் முடிந்து கூடுதலாக 5 நிமிடங்கள் வழங்கப்பட்டது.

போட்டியின் கடைசி நிமிடத்தில் சவுதி அரேபியாவின் சல்மாந் அல்-தவ்சாரி அசத்தலான கோல் அடித்து வெற்றியை உறுதி செய்தார்.