அதுக்கெல்லாம் வாய்ப்பே இல்ல ‘பாஸ்’ : நம்பிக்கையில்லாமல் பேசும் நட்சத்திரம் ‘மெஸ்சி’!

புயூனாஸ் ஏர்ஸ்: இந்த ஆண்டு உலகக்கோப்பை தொடரில் சிறந்த அணி அர்ஜெண்டினா அல்ல என அந்த அணியின் கேப்டன் லியோனல் மெஸ்சி தெரிவித்துள்ளார்.

உலகளவில் அதிக ரசிகர்களை கொண்ட கால்பந்து விளையாட்டின் உலகக்கோப்பை தொடர் நான்கு ஆண்டுகளுக்கு ஒரு முறை நடத்தப்படும். கடந்த 2014ல் இத்தொடர் பிரேசிலில் நடந்தது.

இதையடுத்து இந்த ஆண்டுக்கான தொடர் வரும் ஜூன் 14 முதல் ஜூலை 15 வரை ரஷ்யாவில் நடக்கிறது. சுமார் 32 அணிகள் பங்கேற்கும் இத்தொடர் ரஷ்யாவின் 11 முக்கிய நகரங்களில் 64 போட்டிகள் நடக்கிறது.

இதன் ஃபைனல் போட்டி மாஸ்கோவின் லுஸ்நிகி மைதானத்தில் நடக்கவுள்ளது. கடந்த 32 ஆண்டுகளில் உலகக்கோப்பை தொடருக்கு அமெரிக்க ஆண்கள் அணி தகுதி பெற தவறியது.

விரத்தி நாயகன்:
இந்நிலையில் கால்பந்து வரலாற்றில் பல உச்சத்தை தொட்ட நாயகன் அர்ஜெண்டினாவின் கேப்டன் மெஸ்சி. ஆனால், இவரால் தனது நாட்டுக்கு ஒரு கோப்பை கூட வென்று தர இதுவரை முடியவில்லை. கடந்த 2014 உலகக்கோப்பை ஃபைனலில் ஜெர்மனி அணியிடம் 1-0 என கோப்பை வெல்லும் வாய்ப்பை மெஸ்சி தலைமையிலான அர்ஜெண்டினா அணி தவறவிட்டது.

பின் 2016ல் 16 அணிகள் பங்கேற்கும் கோபா அமெரிக்கா தொடரில் கோப்பை வெல்லும் வாய்ப்பை பெனால்டி வாய்ப்பு மூலம் சிலி அணியிடம் அர்ஜெண்டினா அணி கோட்டைவிட, விரத்தியின் உச்சிக்கே சென்ற மெஸ்சி, சர்வதேச கால்பந்து அரங்கில் தனது ஓய்வை அறிவித்து அதிர்ச்சியிளித்தார்.

இதன் அர்ஜெண்டினா மக்களின் கோரிக்கையை ஏற்று இரண்டு மாதத்துக்கு பின் தனது முடிவை மாற்றிக்கொள்வதாக அறிவித்தார்.

சிறந்த அணியல்ல....
இந்நிலையில் தற்போது உலகக்கோப்பை தொடர் துவங்கும் முன்பே தங்களின் அர்ஜெண்டினா அணி சிறந்த அணியல்ல என தெரித்துள்ளார் மெஸ்சி.

இதுகுறித்து மெஸ்சி கூறுகையில்,‘ உலகக்கோப்பைக்கு செல்லும் அணியில் சிறந்த அணி அர்ஜெண்டினா அல்ல, என மக்களுக்கு தெரிய வேண்டும். ஆனால் எங்கள் அணியில் சிறந்த வீரர்கள் உள்ளனர். எங்கள் அணியை விட வேறு சில அணியில் மிகச்சிறந்த வீரர்கள் உள்ளார்கள் என்பது தான் உண்மை. எனக்கு சாதிப்போம் என்ற நம்பிக்கை உள்ளது. ஆனால் கோப்பை வெல்லும் உறுதியை அளிக்க முடியாது.’ என்றார்.

Argentina captain Lionel Messi has urged his compatriots to be realistic in their World Cup expectations, warning that other teams heading to Russia are better.