பேங்காக்கில் நடைபெற்று வரும் வுபர் கப், குரூப் ஏ போட்டியில் இந்திய மகளிரணியும் ஆஸ்திரேலிய மகளிரணியும் மோதின. சானியா நெவால் தலைமையில் களமிறங்கிய இந்திய அணி, முதல் போட்டியில் கனடாவிடம் 1-4 என்ற புள்ளிக்கணக்கில் தோற்ற நிலையில், இந்தப் போட்டியில் கட்டாயம் வென்றாக வேண்டிய சூழல் உண்டானது.
இதைத் தொடர்ந்து முதல் ஆட்டத்தில், சாய்னா நெவாலும் ஹுவன்-யூ வெண்டி சென்னும் மோதினர். இதில் சாய்னா 21-14, 21-19 என்ற புள்ளிக் கணக்கில் வெற்றி பெற்று இந்தியாவுக்கு ஒரு புள்ளியைப் பெற்றுத் தந்தார்.
இதையடுத்து நடந்த இரட்டையர் போட்டியில், மேக்னா ஜாக்கம்புடி மற்றும் பூர்விஷா ஆகியோர் 13-21 16-21 புள்ளிக்கணக்கில் தோற்றதால், இரு அணிகளும் தலா ஒரு புள்ளி பெற்று சமநிலையில் இருந்தன.
இதன்பின், வைஷ்ணவி ரெட்டி ஜக்கா ஜெனிப்பர் டேமை 21-17 21-13, சான்யோகிதா மற்றும் பிரஜக்தா சவாந்த் ஜோடி 21-19 21-11, அனுரா பிரபுதேசாய் 21-6 21-7 என்ற புள்ளிக்கணக்கில் ஆஸ்திரேலியா வீராங்கனைகளை வீழ்த்தி 3 புள்ளிகளைப் பெற்றுத் தந்தனர்.
இந்த வெற்றியின் மூலம் இந்திய மகளிரணி 4-1 என்ற புள்ளிக்கணக்கில் ஆஸ்திரேலிய அணியை வீழ்த்தி, அபார வெற்றிப்பெற்றது. இதைத் தொடர்ந்து, வரும் புதன்கிழமை நடக்கும் போட்டியில் இந்திய மகளிரணி பலம் வாய்ந்த ஜப்பான் அணியை எதிர்கொள்ள உள்ளது. நாக்-அவுட் சுற்றில் நுழைய இந்திய அணி ஜப்பானுடனான போட்டியில் வென்றாக வேண்டிய கட்டாயத்தில் உள்ளது.
Mobile AppDownload Get Updated News