லாலிகாவில் 300 கோல்கள் அடித்து மெஸ்ஸியின் சாதனையை தகர்த்த ரொனால்டோ!!

லா லிகா தொடரில் குறைந்த போட்டிகளில் 300 கோல்கள் அடித்து, ரியல் மெட்ரிட் அணியின் நட்சத்திர வீரர் ரொனால்டோ புதிய சாதனை படைத்துள்ளார்.

லாலிகா தொடரில் சனிக்கிழமை நடந்த போட்டியில் பலம் வாய்ந்த ரியல் மெட்ரிட் அணியும், கெட்ஃபே அணியும் மோதின. இதில் ரியல் மெட்ரிட் அணி 3-1 என்ற கோல் கணக்கில் வெற்றி பெற்றது. ரியல் மெட்ரிட் அணியின் சார்பாக ரொனால்டோ 2 கோல்களும், பேலே 1 கோலும் அடித்தனர்.

இதில் ரொனால்டோ தனது இரண்டு கோல்கள் மூலம் லாலிகா தொடரில் 301 கோல்கள் அடித்து புதிய சாதனைப் படைத்தார். மெஸ்ஸியை அடுத்து லாலிகாவில் 300 கோல்கள் அடித்த இரண்டாவது வீரர் என்ற சாதனையைப் படைத்தார்.

மேலும், 286 போட்டிகளில் 300 கோல்கள் அடித்து குறைந்த போட்டிகளில் 300 கோல்கள் அடித்தவர் என்ற சாதனையைப் படைத்தார். இதற்கு முன்னதாக, மெஸ்ஸி 334 போட்டிகளில் 300 கோல்கள் அடித்ததே சாதனையாக இருந்தது.