ஹாங்காங் ஓபன் பேட்மிண்டன் போட்டியின் இரண்டாவது சுற்றில் இந்திய வீராங்கனை தோல்வியடைந்து வெளியேறினார்.
ஹாங்காங் ஓபன் பேட்மிண்டன் தொடரின் மகளிர் ஒற்றையர் பிரிவில் இந்திய வீராங்கனை சாய்னா நேவால் இன்று இரண்டாவது சுற்று ஆட்டத்தில் விளையாடினார். சீனாவின் சென் யூஃபியை எதிர்கொண்டு களமிறங்கினார்.
இதில் முதல் செட்டை 21-18 என கைப்பற்றினார் சாய்னா. ஆனால் அடுத்தடுத்த செட்களில் பதிலடி கொடுத்த சீன வீராங்கனை சென் இரண்டாவது செட்டை 19-21 என்றும் மூன்றாவது செட்டை 10-21 என்றும் தனதாக்கினார்.
இறுதியில் சாய்னா 21-18, 19-21, 10-21 என்ற செட் கணக்கில் தோல்வியைத் தழுவி போட்டியிலிருந்து வெளியேறியுள்ளார்.
மற்றொரு இந்திய வீராங்கனை பி.வி.சிந்து காலிறுதிச் சுற்றுக்கு முன்னேறியுள்ளது குறிப்பிடத்தக்கது.
Mobile AppDownload Get Updated News