முதல் வெற்றியைப் பதிவு செய்யும் முனைப்பில் சென்னையின் எஃப்சி அணி!

ஐஎஸ்எல் கால்பந்து தொடரில் இன்று சென்னையில் நடைபெறும் போட்டியில் சென்னையின் எஃப்சி அணி, நார்த் ஈஸ்ட் யுனைடெட் அணியை எதிர்கொள்கிறது.

ஐஎஸ்எல் கால்பந்து தொடரின் 4 வது சீசன் கொச்சியில் கடந்த 17 ஆம் தேதி கோலாகலமாகத் தொடங்கியது. முந்தைய ஆண்டுகளுடன் ஒப்பிடும்போது இந்த ஆண்டு கூடுதலாக இரு அணிகள் சேர்க்கப்பட்டுள்ளன.

இந்நிலையில், இன்று சென்னையில் உள்ள நேரு மைதானத்தில் இன்று மாலை 5.30 மணிக்கு நடைபெறும் போட்டியில் தோனி உரிமையாளராக இருக்கும் சென்னை அணியும் நார்த் ஈஸ்ட் யுனைடெட் அணியும் மோத உள்ளன.

இது சென்னை அணிக்கு இரண்டாவது போட்டியாகும். முதல் போட்டியில் 3-2 என்ற கோல் கணக்கில் கோவா அணியிடம் போராடி தோற்றது. இதனால், இன்று நடைபெறும் ஆட்டத்தில் வெற்றி பெற வேண்டும் முனைப்பில் சென்னை அணி விளையாடும் என எதிர்பார்க்கப்படுகிறது.

இதுவரையில் இந்த இரு அணிகள் பங்கேற்ற போட்டிகளில் சென்னை அணி 1 வெற்றியும், நார்த் ஈஸ்ட் யுனைடெட் அணி 3 வெற்றிகளும் 2 போட்டிகள் டிராவிலும் முடிந்துள்ளது என எதிர்பார்க்கப்படுகிறது.