இந்தியாவில் சர்வதேச கால்பந்து கூட்டமைப்பு (பிபா) நடத்தும் 17 வயதுக்கு உட்பட்டோருக்கான கால்பந்து உலகக் கோப்பை தொடர் இன்று துவங்கியது. இதில் இந்திய அணி உட்பட சுமார் 24 சர்வதேச அணிகள் பங்கேற்கிறது.
இதில் கவுஹாத்தியின் இந்திரா காந்தி மைதானத்தில் நடந்த 'குரூப்-இ’ பிரிவின் லீக் போட்டியில் ஜப்பான், ஹோண்டுராஸ் அணிகள் மோதின. இதில் துவக்கம் முதல் ஜப்பான் வீரர்கள் ஆதிக்கம் செலுத்தினர்.
அந்த அணிக்கு நாகமுரா 22, 30, 43வது நிமிடத்தில் ’ஹாட்ரிக்’ கோல் அடித்து அசத்தினார். பின் ஹோண்டுராஸ் வீரர் பாலாகோயிஸ் (36வது நிமிடம்) முதல் கோல் அடித்தார். இதற்கு ஜப்பான் வீரர் குபோ (45) பதிலடி கொடுக்க, முதல் பாதியில் ஜப்பான் அணி 4-1 என முன்னிலை பெற்றது.
பின் இரண்டாவது பாதியிலும் ஜப்பான் அணியின் ஆதிக்கமே அதிகமாக இருந்தது. இந்நிலையில், போட்டியின் 51வது நிமிடத்தில் ஜப்பான் வீரர் மியாஷிரோ ஒரு கோல் அடித்தார். கடைசி நிமிடத்தில் மீண்டும் ஜப்பான் வீரர் சுசுக்கி (90) ஒரு கோல் அடிக்க ஜப்பான் அணியின் வெற்றி உறுதியானது.
இறுதியில் ஜப்பான் அணி 6-1 என்ற கோல்கணக்கில் அசத்தல் வெற்றி பெற்றது.
மெக்சிகொ-ஈராக் ’டிரா’:
இதே போல கொல்கத்தாவில் நடந்த ‘எப்’ பிரிவு லீக் போட்டியில், மெக்சிகோ, ஈராக் அணிகள் மோதின. இதில் மெக்சிகோ அணிக்கு முதல் பாதியில் தாவுத் (16) ஒரு கோல் அடித்தனர். இதற்கு இரண்டாவது பாதியில் மெக்சிகோ வீரர் டி ரா ரோசா (51) பதிலடி கொடுக்க, போட்டி 1- 1 என ‘டிரா’வில் முடிந்தது.
Mobile AppDownload Get Updated News