பிபா யு-17 உலகக் கோப்பை திருவிழா இன்று தொடக்கம்

டெல்லி ஜவஹர்லால் நேரு மைதானத்தில் பிபா யு-17 உலகக் கோப்பை கால்பந்து தொடர் இன்று தொடங்குகிறது.

இரண்டு ஆண்டுகளுக்கு ஒரு முறை பிபா யு17 உலகக் கோப்பை கால்பந்து தொடர்ந்து நடக்கிறது. கடந்த 2015ம் ஆண்டு நடந்த உலகக் கோப்பை கால்பந்து தொடரில் நைஜீரியா சாம்பியன் பட்டம் வென்றது. இதைத் தொடர்ந்து 17வது பிபா யு-17 உலகக் கோப்பை கால்பந்து தொடர் இன்று டெல்லி ஜவஹர்லால் மைதானத்தில் தொடங்குகிறது. போட்டியை நடத்துவதன் மூலம் இந்த கால்பந்து தொடரில் இந்திய அணி நேரடியாக தகுதி பெற்றுள்ளது. இந்தியாவில் முதல் முறையாக நடத்தப்படும் இந்த தொடரின் முதல் போட்டியில் இந்தியா அமெரிக்காவை எதிர்கொள்கிறது.

தொடரில் பங்கேற்கும் 24 அணிகளும் தலா 4 அணிகளாக 6 பிரிவுகளாக பிரிக்கப்பட்டுள்ளன. அனைத்து பிரிவுகளிலும் முதல் இரு இடங்களைப் பிடிக்கும் அணிகளும், 6 பிரிவுகளில் 3ம் இடத்தை பிடித்த அணிகளில் முதல் 4 அணிகளும் நாக் அவுட் சுற்றுக்கு முன்னேறும். டெல்லியில் இன்று மாலை 5 மணிக்கு தொடங்கும் இந்த தொடரில் முதல் லீக் போட்டியில் கொலம்பியா – கானா அணிகள் மோதுகின்றன. தொடர்ந்து 8 மணிக்கு நடக்கும் போட்டியில் இந்தியா – அமெரிக்கா அணிகள் மோதுகின்றன. முதல் நாளில் மட்டும் 4 போட்டிகள் நடக்கிறது. இன்று தொடங்கும் இந்த தொடர் வரும் 14ம் தேதி வரை நடக்கிறது என்பது குறிப்பிடத்தக்கது. கிட்டத்தட்ட 67 ஆண்டுகளுக்குப் பிறகு பல கோடி செலவில் முதன் முறையாக இந்தியாவில் கால்பந்து தொடர் நடக்கிறது.

இந்திய அணி விளையாடும் போட்டியை காண பிரதமர் மோடி டெல்லி ஸ்டேடியத்திற்கு இன்று வருகை தருகிறார். இது குறித்து அகில இந்திய கால்பந்து சம்மேளத்தின் தலைவர் பிரபுல் படேல் கூறுகையில், இந்திய அணி மோதும் முதல் போட்டியை காண மோடி வருவது உறுதி செய்யப்பட்டுள்ளது. இதற்காக டெல்லி மைதானத்தில் பலத்த ஏற்பாடுகள் செய்யப்பட்டுள்ளது. மோடி வருகையொட்டி சிறியளவில் துவக்க விழா நடத்தப்படும் என்று அவர் தெரிவித்துள்ளார்.

Finally, it's here -the biggest-ever international football tournament on Indian soil. The FIFA Under-17 World Cup, which begins today, is not only a massive boost for the sport in India but a showcase for the country's ambitions to be a magnet for the biggest, best sporting events.