புரோ கபடி லீக் போட்டியின் சென்னை சுற்று ஆட்டங்கள் நடக்கிறது. ஐந்தாவது புரோ கபடி லீக் போட்டிகள் இந்தியாவின் 12 நகரங்களில் நடக்கிறது. இதில் சென்னையில் நடக்கும் லீக் சுற்று போட்டிகள் தற்போது நடக்கிறது.
நேரு உள்விளையாட்டு அரங்கில் நடந்த இந்த லீக் போட்டியின் இன்றைய ஆட்டத்தில் அஜய் தாகூர் தலைமையிலான தமிழ் தலைவாஸ் அணி, தெலுங்கு டைட்டன்ஸ் அணியை எதிர்கொண்டது.
சொந்த மண்ணில் களமிறங்கிய தமிழ் தலைவாஸ் அணி துவக்க முதல் சொதப்பலான ஆட்டத்தை வெளிப்படுத்தியது.
இதன் முதல் பாதியின் முடிவில் தமிழ் தலைவாஸ் அணி, 15-30 என பின்தங்கியிருந்தது. பின் இரண்டாவது பாதியிலும் தொடர்ந்து தமிழ் தலைவாஸ் அணி சொதப்பலான ஆட்டத்தையே வெளிப்படுத்தியது.
கடைசி வரை தமிழ் தலைவாஸ் அணியால் தெலுங்கு டைட்டன்ஸ் அணியின் முன்னிலையை எட்டிப்பிடிக்க முடியவில்லை. இரண்டாவது பாதியின் முடிவில், தமிழ் தலைவாஸ் அணி 37-58 என்ற புள்ளிகள் கணக்கில் படுதோல்வியை சந்தித்தது.
Mobile AppDownload Get Updated News