சென்னை: புரோ கபடி லீக் தொடரின் சென்னை லீக் போட்டிகள் இன்று துவங்கியது. இதில் புனே அணிக்கு எதிரான 100வது லீக் போட்டியின் முதல் பாதியில் தமிழ் தலைவாஸ் முன்னிலை பெற்றுள்ளது.
ஐந்தாவது புரோ கபடி லீக்கின் சென்னை சுற்று போட்டிகள் நேரு உள்விளையாட்டு அரங்கில் இன்று துவங்கியது. இப்போட்டியை தமிழக துணை முதல்வர் ஓ.பன்னீர் செல்வம், தமிழ் தலைவாஸ் இணை உரிமையாளர் கிரிக்கெட் ஜாம்பவான் சச்சின் ஆகியோர் பங்கேற்று துவங்கி வைத்தனர்.
இதன் இன்றைய 100வது லீக் போட்டியில் சொந்த மண்ணில் தமிழ் தலைவாஸ் அணி, புனே பால்டன் அணியை எதிர் கொள்கிறது.
இதில் துவக்கம் முதல் சிறப்பான ஆட்டத்தை வெளிப்படுத்திய தமிழ் தலைவாஸ் அணி, முதல் பாதியின் முடிவில் 12-11 என முன்னிலை பெற்றுள்ளது.
Mobile AppDownload Get Updated News