ஜப்பான் ஓபன் பேட்மிண்டன் தொடர் அந்நாட்டுத் தலைநகரான டோக்கியோவில் நடைபெற்று வருகிறது. இதில் இந்தியாவின் பிரணாவ் சோப்ரா – சிக்கி ரெட்டி இணை கலப்பு இரட்டையர் பிரிவில் காலிறுதிக்கு முன்னேறினார்.
இன்று நடைபெற்ற காலிறுதியில் கொரியாவின் கிம் ஹா னா – சீங் ஜே இணையை எதிர்த்து களமிறங்கிய பிரணாவ் – சிக்கி இணை முதல் செட்டை கடும் போராட்டத்திற்குப் பின் 21-18 என கைப்பற்றியது. பின், அதிரடி காட்டி கொரிய இணை இரண்டாவது செட்டை 9-21 என வசப்பட்டுத்தியது. மூன்றாவது செட்டில் இரு இணைகளும் விடாப்படியாக மோதிக்கொண்டதில் ஆட்டம் பரபரப்படைந்தது.
58 நிமிடங்கள் வரை நீடித்த போட்டியில் இந்திய இணை 21-18, 9-21, 21-19 என வெற்றிபெற்று அரையிறுதிக்கு முன்னேறியுள்ளது. முன்னதாக, இந்திய வீராங்கனைகள் பி.வி.சிந்து, சாய்னா ஆகியோரும் இந்திய வீரர் ஸ்ரீகாந்த் கிடாம்பியும் தோல்வி அடைந்து வெளியேறியுள்ளதால் இந்த வெற்றி ஆறுதல் அளிப்பதாக அமைந்துள்ளது.
Mobile AppDownload Get Updated News