உலக பேட்மிண்டன் போட்டி : காலிறுதிக்கு முன்னேறினார் பிவி சிந்து

உலக பேட்மிண்டன் சாம்பியன்ஷிப் போட்டித் தொடரில் இந்தியாவின் பிவி சிந்து காலிறுதி போட்டிக்கு முன்னேறியுள்ளார்.

உலக பேட்மிண்டன் சாம்பியன்ஷிப் போட்டித் தொடர் ஸ்காட்லாந்தில் உள்ள கிளாஸ்கோவ் நகரில் நடக்கிறது. சாய்னா நேவால், பிவி சிந்து, கிடம்பி ஸ்ரீகாந்த், சாய் பிரனீத் உள்ளிட்ட இந்திய வீரர்கள் காலிறுதிக்கு முந்தைய சுற்றுக்கு முன்னேறினர்.

இன்று நடந்த காலிறுதிக்கு முந்தய சுற்றில் இந்திய முன்னணி பேட்மிண்டன் வீராங்கனையான பிவி சிந்து மற்றும் ஹாங்காங் சியுங் நகன் யி ஆகியோர் மோதினர்.
இதில் மிக சிறப்பாக விளையாடிய பிவி சிந்து 19-21, 23-21, 21-17 என்ற செட் கணக்கில் வென்று காலிறுதி போட்டிக்கு முன்னேறி அசத்தியுள்ளார்.
87 நிமிடங்கள் மிக விறுவிறுப்பாக நடைப்பெற்ற இந்த போட்டியில் பிவி சிந்து போராடி வென்றார்.