விரைவில் திரும்ப கொடூரமாக திட்டம் தீட்டும் செரினா வில்லியம்ஸ்!

வாஷிங்டன்: வரும் ஜனவரி மாதம் நடக்கும் ஆஸ்திரேலிய ஓபன் டென்னிஸ் தொடரில் பங்கேற்ற திட்டமிட்டுள்ளதாக செரினா வில்லியம்ஸ் தெரிவித்துள்ளார்.

அமெரிக்க டென்னிஸ் வீராங்கனை செரினா வில்லியம்ஸ், 35. உலகத் தரவரிசையில் தற்போது 15வது இடத்தில் உள்ளார். சர்வதேச டென்னிஸ் அரங்கில் 23 கிராண்ட்ஸ்லாம் பட்டம் வென்றுள்ள செரினா, கடந்த ஆண்டு டிசம்பரில் ரெட்டிட் நிறுவனத்தின் சக உரிமையாளர் அலெக்ஸ் ஒஹானியன், திருமண நிச்சயதார்த்தம் செய்துகொண்டார்.

இந்நிலையில் தற்போது கர்ப்பமாக உள்ள இவருக்கு, அடுத்த மாதம் பிறக்கும் என டாக்டர்கள் தெரிவித்துள்ளனர். இந்நிலையில் வரும் ஜனவரி 2018ல் (அதாவது குழந்தை பிறந்த மூன்று மாதங்களில்) , நடக்கவுள்ள ஆஸ்திரேலிய ஓபன் டென்னிஸ் தொடரில் பங்கேற்க திட்டமிட்டுள்ளதாக செரினா தெரிவித்துள்ளார்.

இதுகுறித்து செரினா வில்லியம்ஸ் கூறுகையில்,’இது ஒரு மூர்க்கத்தனமான திட்டம் என எனக்கு தெரியும். ஆனால், இந்த கர்ப்பம் எனக்கு அதிக சக்தியை கொடுத்துள்ளது. அதனால் அந்த சக்தியுடனே பயணம் செய்ய முடிவு செய்துவிட்டேன்.’ என்றார்.

Serena Williams, feeling “new power” from her pregnancy, is already preparing for an Australian Open title defense in January.