உசைன் போல்டுக்கு பாடம் எடுத்த மோ பரா - 10,000 மீட்டர் போட்டியில் 10வது தங்கம்

லண்டன் : உலக தடகள சாம்பியன்ஷிப் போட்டியின் 10,000 மீட்டர் ஓட்டப்பந்தயத்தில் இங்கிலாந்தின் மோ பாரா 10வது முறையாக தங்கம் வென்று சாதனை படைத்துள்ளார்.

போல்ட் சோகம்:
லண்டனில் உலக தடகள சாம்பியன்ஷிப் போட்டி நடைப்பெற்று வருகிறது. இதில் தன் கடைசி போட்டியில் விளையாடும் மின்னல் வேக வீரன் உசைன் போல்ட் 100 மீ போட்டியில் மூன்றாவதாக வந்து வெண்கலப் பதக்கம் மட்டுமே வெல்ல முடிந்தது.

மேலும் படிக்க : ​ குருநாதா என்னை ஆசிர்வாதம் செய்யுங்க! - உசைன் போல்டுக்கு மரியாதை செய்த ஜஸ்டின் கேட்லின்!

மோ பரா சாதனை :
சோமாலியாவில் பிறந்திருந்தாலும் இங்கிலாந்துக்காக விளையாடி வரும் மோ ஃபரா, 2012-ம் ஆண்டு நடைபெற்ற ஒலிம்பிக் போட்டியில் 10 ஆயிரம் மீட்டர் ஓட்டப்பந்தயத்தில் தங்கப்பதக்கம் வென்றபின், 34 வயதாகும் மோ பரா இதுவரை முக்கிய தொடர்களில் தோல்வியடைந்தது கிடையாது.
2012 ஒலிம்பிக்கில் இருந்து 9 தங்கத்தை வென்ற மோ பரா, லண்டனில் நடைபெற்ற உலக தடகள சாம்பியன்ஷிப் தொடரில் கலந்து கொண்டு 10-வது தங்கத்தை வென்று அசத்தினார். இதுதான் இவர் பங்கேற்கும் கடைசி உலக தடகள சாம்பியன்ஷிப் தொடராகும்.



கடைசி போட்டியை வெற்றியுடன் முடிக்க நினைத்த மோ பரா, அவர் நினைத்தது போலவே தங்கப்பதக்கம் வென்று சாதித்துள்ளார்.
பெரிதும் எதிர்பார்க்கப்பட்ட உசைன் போல்டுக்கு பாடம் புகட்டும் வண்ணம், மோ பரா தன் இறுதிப் போட்டியில் தங்கம் வென்று அசத்தியுள்ளார்.