ரவி சாஸ்திரிக்கு ’செம நோஸ் கட்’ கொடுத்த கங்குலி!

கொழும்பு: முன்னாள் இந்திய கேப்டன்கள் செய்த சாதனைகளை பயிற்சியாளர் ரவி சாஸ்திரி மறந்துவிட்டு பேசுவதாக முன்னாள் கேப்டன் கங்குலி தெரிவித்துள்ளார்.

இலங்கை சென்றுள்ள இந்திய அணி, முதலில் 3 டெஸ்ட் போட்டிகள் கொண்ட தொடரில் பங்கேற்கிறது. இரு அணிகள் மோதிய முதல் டெஸ்ட் போட்டி காலேவில் நடந்தது. இதில் கோலி தலைமையிலான இந்திய அணி, அந்நிய மண்ணில் இதுவரை இல்லாத அளவு இமாலய வெற்றியை ( 304 ரன்கள் ) பதிவு செய்து சரித்திரம் படைத்தது.

இந்த வெற்றி குறித்து இந்திய கிரிக்கெட் அணியின் தலைமை பயிற்சியாளர் ரவி சாஸ்திரி, இதுவரை இந்திய கேப்டன் யாருக்கும் இல்லாத தகுதி கோலிக்கு உள்ளது என தெரிவித்தார். இந்நிலையில் முன்னாள் கேப்டன்களின் பல்வேறு சாதனைகளை ரவிசாஸ்திரி மறந்துவிட்டதாக கங்குல் செம நோஸ் கட் கொடுத்துள்ளார்.

இதுகுறித்து கங்குலி கூறுகையில்,’ முந்தைய காலத்தில் பாகிஸ்தான் அணியை அதன் சொந்த மண்ணில் வைத்து 15 ஆண்டுகளுக்கு பின் தொடரை வென்றது. இங்கிலாந்தை அதன் சொந்த மண்ணில் 2007ல் வீழ்த்தியது என பல சாதனைகளை ரவிசாஸ்திரி மறந்துவிட்டார் என நினைக்கிறேன்.’ என்றார்.

“You’re forgetting the win in Pakistan for the first time in Pakistan in 15 years. Also the win in England in 2007. Won’t go into comparisons. Wish him all the best. Want the team to do well and hopefully he will do well in the years to come.”