200 மீ. பட்டர்பிளை மற்றும் 4*200மீ ப்ரீஸ்டைல் நீச்சல் போட்டிகளில் அமெரிக்கா அணி அடுத்தடுத்து தங்கம் வென்றது. இதனையடுத்து நீச்சல் வீரர் பெல்ப்ஸ் ஒலிம்பிக் போட்டிகளில் வென்ற தங்கப் பதக்க எண்ணிக்கை 21 ஆனது.
பெல்பஸ் 200 மீ. பட்டர்பிளை பிரிவில் ஜப்பானின் மசாதோ சகாயை வீழ்த்தினார். பின்னர் ஒரு மணி நேரம் கழித்து நடந்த 4*200 மீட்டர் ரிலே பிரிவில் அமெரிக்க அணிக்கு நேர்த்தியாக தலைமை தாங்கி வெற்றி பெறச் செய்தார்.
முன்னதாக 20-வது பதக்கத்தை வென்றதன் மூலம் மைக்கேல் பெல்ப்ஸ்,சாட் லே கிளாஸின் சாதனையை முறியடித்தார் என்பது குறிப்பிடத்தக்கது.
ஏதென்ஸ் 2004-இல் நடைபெற்ற ஒலிம்பிக்கில் 6 தங்கம், இரு வெண்கலம் வென்ற பெல்ப்ஸ், பெய்ஜிங் 2008-இல் நடைபெற்ற ஒலிம்பிக்கில் தான் பங்கேற்ற 8 பிரிவுகளிலும் தங்கம் வென்று புதிய சகாப்தம் படைத்தார். அதன்பிறகு 2012-இல் நடைபெற்ற லண்டன் ஒலிம்பிக்கில் 4 தங்கம், இரு வெள்ளி வென்றார்.
இந்த நிலையில் இப்போது ரியோ ஒலிம்பிக்கில் பங்கேற்றுள்ள பெல்ப்ஸ் இதுவரை 3 தங்கப் பதக்கங்களை வென்றுள்ளார். இதன்மூலம் அவர் ஒலிம்பிக்கில் வென்ற தங்கப் பதக்கங்களின் எண்ணிக்கை 21ஆக உயர்ந்துள்ளது.
Mobile AppDownload Get Updated News