ஒலிம்பிக் சாம்பியனை ஓட ஓட அடிக்க, ஒரே ஒரு திட்டம் போதாது: ‘கஜினி’ ஸ்ரீகாந்த்!

ஐதராபாத்: ஒலிம்பிக் சாம்பியனான சென் லாங்கை வீழ்த்த ஒரே ஒரு திட்டம் போதாது’ என இந்திய பேட்மிண்டன் வீரர் ஸ்ரீகாந்த் தெரிவித்துள்ளார்.

இந்திய பேட்மிண்டன் வீரர் ஸ்ரீகாந்த் கிடாம்பி சமீபத்தில் நடந்த ஆஸ்திரேலி சூப்பர் சீரீஸ் பேட்மிண்டன் தொடரில் சாம்பியன் பட்டம் வென்று அசத்தினார். முன்னதாக சிங்கப்பூர் சூப்பர் சீரீஸ் தொடரிலும் கோப்பை வென்றார்.

பேட்மிண்டன் போட்டிகளில் ஆதிக்கம் செலுத்தும் சீன வீரர்களை தாண்டி அசத்திய இவர், தற்போதைய பேட்மிண்டன் தரவரிசையில், 11வது இடம் பிடித்து சாதித்துள்ளார். பேட்மிண்டன் நாயகிகளான சாய்னா, சிந்துவிற்கு பின் ஆண்களுக்கு புது நம்பிக்கை அளித்துள்ளார் ஸ்ரீகாந்த்.

சமீபத்தில் ‘டைம்ஸ் ஆப் இந்தியா’ சார்பில் வழங்கப்பட்ட விளையாட்டு வீரர்களுக்கான விருதில், மக்கள் அபிமான வீரர் விருதை ஸ்ரீகாந்த் வென்றார். முன்னாத 6 முறை ஒலிம்பிக் சாம்பியனான சென் லாங்கை சந்தித்தார். ஆனால் ஐந்து முறை தோல்வியை சந்தித்த இவர், கஜினி மாதிரி கடைசியாக அவருக்கு எதிராக வெற்றியை சந்தித்தார்.

இதுகுறித்து ஸ்ரீகாந்த் கூறுகையில்,’ போட்டியின் முன்பாக அவருக்கு எதிராக இப்படி விளையாட வேண்டும் , அப்படி விளையாட வேண்டும் என திட்டமிட்டிருந்தேன். ஆனால், அவர் போட்டியின் போக்கையே முழுதுமாக மாற்றிவிட்டார். அதனால், கடினமாக சண்டைபோட வேண்டியிருந்தது. அவர் ஒலிம்பிக் சாம்பியன், அவருக்கு எதிராக ஒரு திட்டமும் எடுபடவில்லை. அதனால், அதற்கு ஏற்ப என்னை மாற்றிக்கொண்டேன். கடைசியில் அதுதான் எனக்கு வெற்றியை அளித்தது.’ என்றார்.


You can’t plan to many strategies against him. He’s an Olympic champion. You have to go with everything on that day, see how it goes. That day happened to be my day, it all worked for me. I just kept doing whatever I could do.