வச்ச குறி தப்பாது : உலகக் கோப்பை தங்கத்தை வென்ற இந்திய வில்வித்தை அணி

ஷாங்காய் : உலகக் கோப்பை வில்வித்தை போட்டியில் இந்தியாவின் ஆடவர் அணி தங்கப்பதக்கத்தை வென்று அசத்தியுள்ளது.

அரையிறுதிப் போட்டியில் அமெரிக்காவை 232 - 230 என்ற புள்ளி கணக்கில் இந்திய அணியின் அபிஷேக் வெர்மா, சின்னா ராஜு ஸ்ரீதர் மற்றும் அமர்ஜித் சிங் அணி வீழ்த்தியது.

இறுதிப் போட்டியில் கொலம்பியா அணியை எதிர் கொண்ட இந்திய அணி 226 - 221 என்ற புள்ளி கணக்கில் அசத்தலாக வீழ்த்தி தங்கப்பதக்கத்தை வென்றனர்.

இந்தியாவின் வெர்மா மற்றும் ஜோதி சுரேகா கலந்து கொண்ட கலப்பு இரட்டை பிரிவு போட்டியில் வெண்கலப் பதக்கம் வென்றனர்.