அமெரிக்கன் ஓபன் : முதல் சுற்றில் ரபெல் நடால் வெற்றி

அமெரிக்காவின் நியூயார்க் நகரில் கிராண்ட்ஸ்லாம் அந்தஸ்து பெற்ற அமெரிக்க ஓபன் டென்னிஸ் தொடர் நேற்று கோலாகலமாக துவங்கியது. இதன் ஆண்கள் ஒற்றையர் பிரிவு ஆட்டத்தில் உலகின் 4ம் நிலை வீரரான ஸ்பெயினின் ரபெல் நடால், உஸ்பெகிஸ்தானின் டெனிஸ் இஸ்டாமினுடன் மோதினார். தொடக்கம் முதலே ஆதிக்கம் செலுத்தி வந்த ரபெல், முதல் செட்டை 6-1 என்று கைப்பற்றினார். இதே போல் இரண்டாவது செட்டையும் 6-4, அடுத்து 6-2 என்று கைப்பற்றி அடுத்த சுற்றுக்கு முன்னேறினார்.

இதேபோல் நடந்த மற்றொரு போட்டியில் 7ம் நிலை வீரரான குரோஷியாவின் மரின் சிலிக், பிரேசிலின் ரோஜெரியோ டுட்ரா சில்வா உடன் மோதினார். இதில் சிலிக் 6-7, 7-5, 6-1 என்ற செட்களில் வெற்றி பெற்று அடுத்த சுற்றுக்கு முன்னேறினார். மற்றொரு போட்டியில் அமெரிக்காவின் ஜான் இஸ்னெர், இங்கிலாந்தின் கெல் எட்முண்ட், பெல்ஜியத்தின் ஸ்டீவ் டார்சிஸ் ஆகியோர் வெற்றி பெற்று அடுத்த சுற்றுக்கு முன்னேறினர்.