மலேசியாவின் இபோ நகரில், 26வது சுல்தான் அஸ்லான் ஷா கோப்பை ஹாக்கி தொடர் நடக்கிறது. இதில் ஆஸ்திரேலியா, இந்தியா, ஜப்பான் உள்ளிட்ட 6 அணிகள் லீக் முறையில் மோதின. இதன் கடைசி லீக் போட்டியில் இந்தியா, மலேசியா அணிகள் மோதின.
இதில் 2 கோல் வித்தியாசத்தில் வென்றாக வேண்டிய கட்டாயத்தில் இந்திய அணி களமிறங்கியது. முதல் பாதியில் இந்தியாவுக்கு கிடைத்த 3 'பெனால்டி கார்னர்' வாய்ப்புகளும் வீணானது.
இரண்டாவது பாதியில் எழுச்சி பெற்ற மலேசிய அணி, முதல் மூன்று 'பெனால்டி கார்னர்' வாய்ப்புகளை கோட்டைவிட்டது. தொடர்ந்து, 49வது நிமிடத்தில் கிடைத்த 'பெனால்டி கார்னர்' வாய்ப்பை மலேசியாவின் சாபா முதல் கோல் அடித்தார். இதற்கு இந்திய அணியால் பதிலடி தர முடியவில்லை.
ஆட்டநேர முடிவில் இந்திய அணி 0-1 என தோல்வி அடைந்து, பைனல் வாய்ப்பை இழந்தது.
Mobile AppDownload Get Updated News