2017ஆம் ஆண்டுக்கான இந்திய ஓபன் பேட்மிண்டன் தொடர் டெல்லியில் நடைபெற்று வருகிறது. இதில், மகளிர் ஒற்றையர் பிரிவின் அரையிறுதிப் போட்டியில் ஒலிம்பிக் பதக்க மங்கை பிவி சிந்து தென் கொரிய வீராங்கனை சுங் ஜி ஹியூனை எதிர்த்து களமிறங்கினார்.
இப்போட்டியில் அபாரமாக ஆடிய பிவி சிந்து 21-18, 14-21, 21-14 என சுங் ஜி ஹியூனை வீழ்த்தினார். இதன் மூலம் முதல் முறையாக இந்திய ஓபன் தொடரின் இறுதிப்போட்டிக்கு அவர் தகுதி பெற்றார்.
இறுதிப்போட்டியில் ஸ்பெயின் நாட்டைச் சேர்ந்த கரோலின் மாரினை எதிர்த்து பிவி சிந்து களமிறங்குவார். ரியோ ஒலிம்பிக்கில் தங்கப்பதக்கத்திற்கான போட்டியில் சந்தித்த தோல்விக்கு பதிலடி கொடுக்கும் வகையில் பிவி சிந்து இப்போட்டியில் வெற்றி பெற வேண்டும் என்பதே இந்திய பேட்மிண்டன் ரசிகர்களின் எதிர்பார்ப்பாக உள்ளது.
Mobile AppDownload Get Updated News