சீன ஓபன் பாட்மிண்டன் : சாம்பியன் பட்டம் வென்றார் சிந்து!

புஷாவ்: சீன ஓபன் பாட்மிண்டன் தொடரில் இந்தியாவின் பி.வி.சிந்து சாம்பியன் பட்டம் வென்று அசத்தினார்.

சீனாவின் புஷாவ் நகரில் சீன ஓபன் பாட்மிண்டன் தொடர் நடக்கிறது. இதில் பெண்கள் ஒற்றையர் பிரிவு ஃபைனலில் இந்திய நாயகி, பி.வி.சிந்து, சீனாவின் ஆறு அடி உயரம் கொண்ட சுன் யூவை எதிர்கொண்டார்.

இதில் துவக்கம் முதல் சிந்துவின் ஆதிக்கமே அதிகம் இருந்தது. இதன் முதல் செட்டை 21-11 என மிகச்சுலபமாக பி.வி. சிந்து வென்றார். தொடர்ந்து நடந்த இரண்டாவது செட்டை 17-21 என பறிகொடுத்த சிந்து, மூன்றாவது செட்டை21-11 என எளிதாக கைப்பற்றினார்.

முடிவில், இந்தியாவின் சிந்து, சீனாவின் சுன் யூவை, 21-11, 17-21, 21-11 என்ற செட்களில் வீழ்த்தி கோப்பை வென்று அசத்தினார்.