ஆசியக்கோப்பை: சீனாவைப் பூஜ்ஜியம் ஆக்கிய இந்தியா

ஆசிய கோப்பை ஹாக்கி போட்டியில் சீனாவை 9-0 என்ற கோல்கணக்கில் வீழ்த்தி இந்தியா ஹாக்கி அணி அபார வெற்றி பெற்றுள்ளது.


ஆசிய ஹாக்கி சாம்பியனை நிர்ணயிக்கும் தொடர் மலேசியாவின் குயாண்டன் நகரில் நடந்து வருகிறது. இதில் இந்தியா, பாகிஸ்தான், சீனா, தென் கொரியா, மலேசியா மற்றும் ஜப்பான் ஆகிய டாப் 6 ஆசிய அணிகள் பங்கேற்று வருகின்றன.

இன்று நடைபெற்ற லீக் ஆட்டத்தில் இந்திய அணி சீனாவை ஏதிர் கொண்டது. இந்த போட்டியில் ஆரம்பம் முதலே ஆதிக்கம் செலுத்தி வந்த இந்திய அணி 9-0 என்ற கணக்கில் சீனாவை வீழ்த்தி அபார வெற்றி பெற்றுள்ளது. இந்த போட்டியில் இந்தியாவைச் சேர்ந்த அகாஷ்தீப் சிங், அப்பான் யுசுப் , ஜஸ்சீத் சிங்க் ஆகியோ தலா இரண்டு கோல்களை அடித்து இந்திய அணிக்கு வலுசேர்த்தனர்.

FT: India score 9 past China on 25 Oct to register their 3rd win of the 4th Men's Asian Champions Trophy. #INDvCHN #IndiaKaGame #ACT2016 pic.twitter.com/bPr9KoGznm

— Hockey India (@TheHockeyIndia) October 25, 2016

ஆசிய கோப்பை தொடரில் இந்திய அணி பெறும் மூன்றாவது வெற்றி இதுவாகும். இதன்மூலம் 10 புள்ளிகளுடன் இந்திய ஹாக்கி அணி புள்ளிப்பட்டியலில் தொடர்ந்து முதலிடத்தில் உள்ளது . இதன் மூலம் இந்திய ஹாக்கி அணி அரையிறுதிக்கு செல்லும் வாய்ப்பு பிரகாசமாகியுள்ளது.