செஸ் ஒலிம்பியாட் போட்டியில் பங்கேற்கும் நட்சத்திர வீரர் தல தோனி ;

முதல் முறையாக இந்தியாவில் நடக்கும், 186 நாடுகள் பங்கேற்றுள்ள 44-வது செஸ் ஒலிம்பியாட் போட்டி சென்னையை அடுத்த மாமல்லபுரத்தில் நடந்து வருகிறது. 11 சுற்றுகள் கொண்ட இந்த போட்டியில் ஓபன் மற்றும் பெண்கள் பிரிவில் இந்தியா சார்பில் மொத்தம் 6 அணிகள் பங்கேற்று சிறப்பாக விளையாடி வருகிறது.

இந்திய இளம் வீரர்கள்

8-வது சுற்று ஆட்டம் இன்று பிற்பகல் 3 மணிக்கு தொடங்கி நடைபெற்று வருகிறது. இந்த 8-வது சுற்றில் இந்தியா எ அணி அர்மேனியாவுடனும், இந்தியா பி அணி அமெரிக்காவுடனும் மோதி வருகின்றன. இந்திய பி அணி, உலக தரவரிசையில் முதலிடத்தில் உள்ள அமெரிக்க அணியை எதிர்த்து விளையாடியது. உலகின் முன்னணி அணியான அமெரிக்காவை , இந்திய பி பிரிவில் இடம் பெற்றுள்ள இளம் வீரர்கள் உலகின் முன்னனி அமெரிக்க வீரர்களை வீழ்த்தி செஸ் ஒலிம்பியாட் 8 வது சுற்றில் இந்திய பி அணி வெற்றி பெற்றுள்ளது.

இந்திய பி பிரிவின் மற்றொரு போட்டியில் இந்திய இளம் வீரர் தமிழகத்தை சேர்ந்த குகேஷ் உலகின் நமபர் 5 வீரரான அமெரிக்காவின் ஃபேபியானோவை வீழ்த்தி வெற்றி பெற்றார்.

செஸ் ஒலிம்பியாட் தொடரில் தல தோனி

நடக்கவிருக்கும் 44-வது செஸ் ஒலிம்பியாட் போட்டி நிறைவு விழாவில், இந்திய அணியின் முன்னாள் கேப்டனும், தமிழக ரசிகர்களால் தல தோனி என்று அழைக்கப்படும் இந்திய அணியின் முன்னாள் நட்சத்திர வீரர் மஹேந்திர சிங் தோனியும் செஸ் ஒலிம்பியாட் நிறைவு விழாவில் கலந்து இருப்பதாக அறிவிப்பு வெளியாகியுள்ளது. இது தோனி ரசிகர்கள் மத்தியில் மகிழ்ச்சியை ஏற்படுத்தியுள்ளது.