சென்று ஆட்டத்தில் கிரீஸ் அணிக்கு எதிராக டிரா செய்து ஏமாற்றம் அளித்த ஸ்பெயின் அணி இம்முறை வெற்றி பெற வேண்டும் என்ற முனைப்பில் களமிறங்கினர். தொடர்ச்சியாக கடந்த 6 ஆட்டங்களில் வெற்றியை பதிவுசெய்யாத ஜார்ஜியா அணிக்கு எதிராக வெற்றி பெறுவது என்பது அத்தனை கடினமான ஒன்றாக இருக்காது.
ஸ்பெயின் அணி அவர்களுக்கே உரித்த நிதான ஆட்டத்தை கடைபிடித்தனர். சென்ற ஆட்டத்தில் நிதானமான ஆட்டத்தை வெளிப்படுத்திய ஸ்பெயின் அணி கிரீஸ் அணியின் தடுப்பு ஆட்டத்தை மீறி கோல் அடிப்பதற்கு கடுமையாக போராடி வந்தது, எனவே இந்த ஆட்டத்தை வேறு விதத்தில் அணுகுவார்கள் என்று பலர் எதிர்பார்த்த நிலையில் மீண்டும் ஆட்டத்தை நிதானமாகவே அணுகினர்.
ஆட்டத்தின் 11வது நிமிடத்தில் ஸ்பெயின் அணியின் டோரஸ்ஸிர்க்கு அருமையான வாய்ப்பு கிடைக்க கோலை நோக்கி அடித்த பந்தை ஜார்ஜியா அணியின் கோல்கீப்பர் லோரியா சிறப்பாக செயல்பட்டு தடுத்தார். பந்தை அதிக நேரம் தங்கள் வசம் வைத்திருப்பதால் எதிர் அணியினர் தாக்குதல் நடத்த இயலாது என்று ஸ்பெயின் அணி போட்ட கணக்கு தவறியது ஜார்ஜியா அணி அவர்களுக்கு கிடைத்த நேரமெல்லாம் தாக்குதல் நடத்தினர்.
இது ஆட்டத்தை நிதானமாக அணுகிய ஸ்பெயின் அணிக்கு பெரும் தலைவலியாக அமைந்தது. தொடர்ந்து தாக்குதல் நடத்திய ஜார்ஜியா அணிக்கு ஆட்டத்தின் 43வது நிமிடத்தில் வரட்ஸ்க்கெளியா அணியின் முதல் கோலைப் பதிவு செய்து முன்னிலை பெறச் செய்தார். முதல் பாதியின் முடிவில் ஜார்ஜிய அணி 1-0 என்ற கோல் கணக்கில் முன்னிலை பெற்றது.
இரண்டாம் பாதியில் ஸ்பெயின் அணி சற்று வேகம் காட்டியது, மறுமுனையில் ஜார்ஜியா அணி கடுமையான தடுப்பு ஆட்டத்தில் ஈடுபட்டது. முதல் பாதியில் பெற்ற ஒரு கோல் முன்னிலையில் தொடரும் முனைப்பில் ஜார்ஜியா அணி தடுப்பு ஆட்டத்தில் ஈடுபட்டது. ஆட்டத்தின் 56 ஆவது நிமிடத்தில் ஜார்ஜிய அணியின் தடுப்பு ஆட்டத்தை முறிப்பதற்கான வழியை ஸ்பெயின் அணியின் தடுப்பாட்டக்காரர் ஆல்பா தெரிந்துகொண்டு கொடுத்த கிராஸ்சை அணியின் டோரஸ் கோலாக மாற்றி ஆட்டத்தை சமன் செய்தார்.
ஸ்பெயின் அணி கடுமையான தாக்குதல் ஆட்டத்தில் ஈடுபட்டதை அருமையான சந்தர்ப்பமாக எண்ணிய ஜார்ஜிய ஆணி கவுண்டர் அட்டாக் செய்ய முற்பட்டது ஆனால் ஸ்பெயின் அணியின் தடுப்பு ஆட்டம் சிறப்பாக செயல்பட்டு அவைகளை செயலிழக்கச் செய்தது. டிராவை நோக்கி நகர்ந்து கொண்டிருந்த ஆட்டத்தின் கடைசி நிமிடத்தில் ஆல்பா கோலை நோக்கி அடித்த பந்து அணியின் முன்கள வீரரான ஓல்மோவின் கால்களுக்கு செல்ல அதை அவர் கோலாக மாற்றினார். ஆட்டத்தின் இறுதியில் ஸ்பெயின் அணி 2-1 என்ற கோல் கணக்கில் வெற்றி பெற்றது.
முதல் போட்டியில் கிரீஸ் அணிக்கு எதிரான ஆட்டத்தை டிரா செய்து ஏமாற்றமடைந்த ஸ்பெயின் அணி, இந்த ஆட்டத்தில் வெற்றி பெற்றதன் மூலம் புள்ளி பட்டியலில் இரண்டாம் இடத்திற்கு முன்னேறியுள்ளது.
Mobile AppDownload Get Updated News