இதையடுத்து கால் இறுதிக்கான அட்டவணை தற்போது வெளியிடப்பட்டுள்ளது. யூரோபா லீக் கால் இறுதிச்சுற்றுக்கு எட்டு அணிகள் முன்னேறியுள்ளது இவற்றில் இங்கிலாந்து மற்றும் ஸ்பெயின் நாடுகளை சேர்ந்த இரு அணிகள் மற்றும் நெதர்லாந்து, க்ரோயேசியா, செக் குடியரசு மற்றும் இத்தாலி ஆகிய நாடுகளில் இருந்து தலா ஒரு அணியும் முன்னேறியுள்ளது.
சாம்பியன்ஸ் லீக் போலில்லாமல் யூரோபா லீக் இரண்டாம் நிலை கோப்பை யாகவே கருதப்படுகின்றது. சாம்பியன்ஸ் லீக் போன்று பெரிய எதிர்பார்ப்புகள் இல்லாவிட்டாலும் யூரோபா லீக் கோப்பையை வெல்வது என்பது கௌரவமிக்க ஒன்று. இங்கிலாந்து நாட்டைச் சேர்ந்த மான்செஸ்டர் யுனைடெட் அணி காலிறுதி போட்டியில் ஸ்பெயின் நாட்டைச் சேர்ந்த கிரனாடா அணியை எதிர்கொள்கிறது.
கிரனாடா அணி முதன்முறையாக யூரோபா லீக் போட்டிகளில் தகுதி பெற்று பங்கேற்பது என்பது குறிப்பிடத்தக்கது. இங்கிலாந்து நாட்டைச் சேர்ந்த மற்றொரு அணியான ஆர்சனல் அணி செக் குடியரசின் ஸ்லாவியா பிராகா அணியை எதிர்கொள்கிறது. பொதுவாக சிறு நாடுகளிலிருந்து பங்கேற்கும் அணிகளிடம் இருந்து பெரிய எதிர்பார்ப்புகள் எதுவும் இருக்காது ஆனால் இம்முறை ஸ்லாவியா பிராகா அணி பலம்வாய்ந்த லெஸ்டர் சிட்டி, ரேன்ஜர்ஸ் போன்ற அணிகளை வீழ்த்தி காலிறுதிக்கு முன்னேறியுள்ளது.
எனவே ஆர்சனல் அணிக்கு கால் இறுதி ஆட்டம் அத்தனை சுலபமாக அமையாது. மற்றொரு காலிறுதியில் நெதர்லாந்து நாட்டைச் சேர்ந்த அயாக்ஸ் அணியும் இத்தாலி நாட்டைச் சேர்ந்த ரோமா அணியும் மோதுகின்றது, இந்த ஆண்டு காலிறுதிப் போட்டிகளில் இந்த ஆட்டத்தில் மிகக்கடுமையான போட்டி நிலவும் என்று எதிர்பார்க்கப்படுகிறது. இறுதியாக ஸ்பெயின் நாட்டைச் சேர்ந்த மற்றொரு அணியான வில்லாரியல் அணியும் க்ரோயேசியா நாட்டைச் சேர்ந்த டைனமோ சாக்ரப் அணியும் மோதுகின்றது.
இரண்டு ஆட்டங்களாக நடைபெறும் காலிறுதிப் போட்டியில் முதல் கட்ட ஆட்டங்கள் ஏப்ரல் மாதம் 9ஆம் தேதியும், இரண்டாம் கட்ட ஆட்டங்கள் ஏப்ரல் மாதம் 16ம் தேதியும் நடைபெறும் என்று அறிவிக்கப்பட்டுள்ளது
Mobile AppDownload Get Updated News