நடப்பு சீசனில் 11 ஆட்டங்கள் மட்டுமே எஞ்சியுள்ள நிலையில் கோப்பையை வெல்வது என்பது அத்தனை சுலபமான ஒன்றாக இருக்காது. தற்போதைய மான்செஸ்டர் யுனைடெட் அணியின் மேலாளரான ஓலெவிர்க்கு சீசனின் துவக்கத்தில் பலர் ஆதரவு தெரிவித்து வந்த நிலையில் சமீபகாலமாக ஆட்டத்தை வெல்வதற்கு திணறி வருகின்ற நிலையில் அவருக்கு எதிர்ப்புக் குரல்கள் எழுந்துள்ளது. சென்ற சீசனின் இடையில் இதுபோன்று எதிர்ப்புக் குரல்கள் எழுந்து #OleOut என்ற ஹாஷ்டாகை டிரண்ட் செய்து வந்தனர், ஆனால் அதன்பின் தொடர்ந்து சிறப்பான ஆட்டத்தை வெளிப்படுத்திய அவர் மான்செஸ்டர் யுனைடெட் அணியை புள்ளி பட்டியலில் மூன்றாம் இடத்தைப் பிடிக்க செய்தார். இதனால் அவருக்கு ஆதரவு குரல்கள் ஒலிக்கத் தொடங்கியது.
மான்செஸ்டர் யுனைடெட் அணியில் சேர்ந்ததிலிருந்து அவருக்கு எதிர்ப்பு குரல்கள் எழும் சமயங்களில் அட்டகாசமான ஆட்டத்தை வெளிப்படுத்தி எதிர்ப்புக் குரல்களை ஆதரவு குரல்களாக மாற்றி வந்த ஓலெவிர்க்கு தற்பொழுது மீண்டும் எதிர்ப்பு குரல்கள் எழுந்துள்ளன. அதைத்தொடர்ந்து யுவன்டஸ் அணியின் முன்னாள் மேலாளராஅன அலெக்ரி இரண்டு ஆண்டுகளாக நல்ல அணிக்காக காத்திருக்கின்றார். யுவன்டஸ் அணியை இரண்டு முறை சாம்பியன்ஸ் லீகின் இறுதிப்போட்டி வரை அழைத்துச் சென்ற அவரை மான்செஸ்டர் யுனைடெட் அணியில் மேலாளராக நியமிக்க வேண்டும் என்று ரசிகர்களில் சிலர் கோரிக்கை வைத்து வருகின்றனர்.
இதற்கிடையில் அலெக்ரியின் முகவர் தனியார் வானொலி ஒன்றிற்கு அளித்த பேட்டியில் அலெக்ரி சரியான அணிக்காக காத்திருக்கின்றார் என்று தெரிவித்தார். இது சமூக வலைத்தளங்களில் பரவலாக விவாதிக்க தொடங்கினர். குறிப்பாக இத்தாலி நாட்டைச் சேர்ந்த அணிகளான ரோமா, நாப்போலி ஆகிய அணிகள் தற்பொழுது திணறி வருகின்றனர். எனவே நிச்சயம் அலெக்ரி போன்ற முன்னணி மேலாளர்களை தங்கள் அணியில் இணைத்துக் கொள்வதில் முனைப்பு காட்டுவார்கள்.
இதுமட்டுமல்லாமல் ஸ்பெயின் நாட்டைச் சேர்ந்த பார்சிலோனா மற்றும் ரியல் மாட்ரிட் ஆகிய அணிகளும் நடப்பு சீசனில் அதன் ரசிகர்களை திருப்திப்படுத்த தவறியுள்ளனர், மேலும் ஜெர்மனி நாட்டைச் சேர்ந்த டார்ட்மண்ட் அணி என பல அணிகள் உலகத்தரம் வாய்ந்த மேலாளருக்காக காத்திருக்கின்றனர். எனவே அடுத்த சீசனில் அலெக்ரி நிச்சயம் இதில் ஏதேனும் ஒரு அணிக்கு மேலாளராக நியமிக்கப்படுவார் என்று எதிர்பார்க்கப்படுகிறது.
இதை கூர்ந்து கவனித்துக் கொண்டிருக்கும் மான்செஸ்டர் யுனைடெட் அணியின் ரசிகர்கள் சிலர் அலெக்ரியை மான்செஸ்டர் யுனைடெட் அணியில் மேலாளராக நியமிக்க வேண்டும் என்று சமூக வலைதளங்களில் வேண்டுகோள் விடுத்து வருகின்றனர். அதேசமயம் மான்செஸ்டர் யுனைடெட் அணி தற்போதைய மேலாளரான ஓலெவிற்கு நேரம் கொடுத்தால் கோப்பையை வெல்வார் என்று அவருக்கு ஆதரவு குரல்களும் எழுந்து வருகின்றன.
Mobile AppDownload Get Updated News