மகளிர் டென்னிஸ் தொடரில் இருந்து செரீனா வில்லியம்ஸ் விலகல்!

காயம் காரணமாக, மகளிர் டென்னிஸ் அசோசியேஷன் தொடரில் இருந்து செரீனா வில்லியம்ஸ் விலகியுள்ளார்.

உலகின் முன்னணி டென்னிஸ் வீராங்கனை செரீனா வில்லியம்ஸ் தற்போது பெரும் நெருக்கடியில் உள்ளார். 22 கிராண்ட் ஸ்லாம் பட்டங்களை வென்று, ஸ்டெஃபி கிராஃப் சாதனையை சமன் செய்துள்ள அவர், அச்சாதனையை முறியடிக்க முடியாமல் தவித்து வருகிறார்.

ரியோ ஒலிம்பிக் டென்னிஸ் போட்டிகளில், தோல்வியை தழுவி வெளியேறிய அவர், அதன்பின் தோள் பட்டையில் ஏற்பட்ட காயத்திற்காக, சிகிச்சை பெற்றுவருகிறார். இதன்காரணமாக, வூஹான் ஓபன், சீனா ஓபன் உள்ளிட்ட சில போட்டிகளில் அவர் பங்கேற்கவில்லை. கடும் முயற்சிக்குப் பின், கடந்த செப்டம்பரில் நடைபெற்ற அமெரிக்க ஓபனில், அரையிறுதிப் போட்டியுடன் செரீனா வெளியேறினார்.

இதையடுத்து, டென்னிஸ் தரவரிசையில் முதலிடத்தில் இருந்து, 2ம் இடத்திற்கு இறங்கியுள்ள செரீனா வில்லியம்ஸ், மீண்டும் முதலிடத்தைப் பிடிப்பதற்காக, தற்போது சிங்கப்பூரில் நடைபெற உள்ள மகளிர் டென்னிஸ் அசோசியேஷன் நடத்தும் போட்டியில் களம் இறங்க முடிவு செய்தார்.

அதற்கான பயிற்சியில் ஈடுபட்டுவந்த நிலையில், தோள் பட்டை காயம் மீண்டும் நெருக்கடி தரவே, அவர் தற்போது மகளிர் டென்னிஸ் தொடரில் இருந்து வெளியேறுவதாக, அறிவித்துள்ளார். காயத்தில் இருந்து மீள, மேலும் சில மாதங்கள் பிடிக்கும் என்பதால், அவர் 2017ம் ஆண்டில் இருந்தே, டென்னிஸ் போட்டிகளில் பங்கேற்பார் எனக் கூறப்படுகிறது.

WTA Tour Finals: Serena Williams pulls out with shoulder injury:

Serena Williams has withdrawn from next week's WTA Finals in Singapore because of a shoulder injury. The American world number two, 35, has not played since reaching the semi-finals of the US Open in September. Williams' place could go to British number one Johanna Konta, who is ninth in the rankings, although she has an abdominal injury.