ஒவ்வொரு பிரிவின் கீழும் ஆறு வீரர்களின் பெயர் பரிந்துரைக்கப்பட்டு அதில் சிறந்தவர் யார் என்பதை வாக்கெடுப்பின் மூலம் தேர்ந்தெடுத்து வெற்றியாளராக அறிவிக்கப்படுவார். 2021 ஆம் ஆண்டிற்கான சிறந்த விளையாட்டு வீரருக்கான விருதுக்கு பேயர்ன் மியூனிக் அணியின் நட்சத்திர வீரரான லெவன்டாஸ்க்கியின் பெயர் பரிந்துரைக்கப்பட்டுள்ளது, கடந்த சீசனில் சிறப்பான ஆட்டத்தை வெளிப்படுத்திய அவர் கோல் மழை பொழிந்து பேயர்ன் மியூனிக் அணியே ஆறு கோப்பைகள் வெல்லச் செய்தார், மட்டுமல்லாமல் ஃபிஃபா சார்பாக வழங்கப்படும் சிறந்த கால்பந்து ஆட்டக்காரருக்கான விருதை இந்த ஆண்டு அவர் தட்டிச் சென்றார், இந்நிலையில் அவர் லாரெல்ஸ் சிறந்த வீரருக்கான விருதுக்கு பரிந்துரை செய்யப்பட்டுள்ளார்.
இவர் இந்த விருது பெறும் பட்சத்தில் மெஸ்ஸியை அடுத்து இந்த விருது பெறும் ஒரே கால்பந்து ஆட்டக்காரர் என்ற பெருமையை பெறுவார். மேலும் ஃபார்முலா 1 கார் பந்தயத்தில் சென்ற சீசனில் சாம்பியன் பட்டம் வென்ற ஹாமில்ட்டன்னின் பெயரும் பரிந்துரைக்கப்பட்டுள்ளது, 2020 ஆம் ஆண்டு விளையாட்டு வீரர் மெஸ்ஸியுடன் லாரியஸ் சிறந்த வீரருக்கான விருதை பகிர்ந்து கொண்டார் என்பது குறிப்பிடத்தக்கது. மேலும் சிறந்த இளம் வீரருக்கான விருதுக்கு பார்சிலோனா அணியின் இளம் நட்சத்திரமான ஃபாட்டியின் பெயர் பரிந்துரைக்கப்பட்டுள்ளது மேலும் சென்ற ஆண்டு மோட்டோ ஜிபி சாம்பியன்ஷிப் பட்டம் வென்ற யோவான் மிர்ரின் பெயரும் பரிந்துரைக்கப்பட்டுள்ளது.
பிபின் சிங் ஹாட்ரிக்: கோல் மழை பொழிந்த மும்பை
சிறந்த விளையாட்டு அணிக்கான விருதுக்கு சென்ற ஆண்டு ஆறு கோப்பைகள் வென்ற பேயர்ன் மியூனிக் அணி பரிந்துரைக்கப்பட்டுள்ளது மேலும் மற்றொரு கால்பந்து அணியான லிவர்பூல் அணியும் பரிந்துரைக்கப்பட்டுள்ளது. கடந்த 8 ஆண்டுகளாக பார்முலா 1 கார் பந்தயத்தில் ஆதிக்கம் செலுத்திவரும் மெர்சிடிஸ் அணி மீண்டும் இந்த ஆண்டு பரிந்துரைக்கப்பட்டுள்ளது கடந்த 2018 ஆம் ஆண்டு மெர்சிடிஸ் அணி இந்த விருது வென்றது குறிப்பிடத்தக்கது.
லாரியஸ் விருதுகள் யார் பெற வேண்டும் என்பதை ரசிகர்கள் வாக்களித்து வெற்றிபெற செய்வார்கள். லாரியஸ்சின் அதிகாரப்பூர்வமான வலைதள பக்கத்தில் ரசிகர்கள் தங்களுக்கு பிடித்த வீரர்களுக்கு வாக்கு செலுத்தி வெற்றிபெற செய்வார்கள்.
Mobile AppDownload Get Updated News