இதை சென்ற ஆண்டு மெக்லாரன் அணிக்காக போட்டியிட்டு ஒன்பதாம் இடம் பிடித்து மீண்டும் இந்த ஆண்டு மெக்லாரன் அணி சார்பாக போட்டியிடும் பிரிட்டனை சேர்ந்த லாண்டோ நாரிஸ் மற்றும் சென்ற ஆண்டு ரெனால்ட் அணிக்காக போட்டியிட்டு ஐந்தாம் இடம் பிடித்து இந்த ஆண்டு மெக்லாரன் அணி சார்பாக களம் இறங்கும் ஆஸ்திரேலியா நாட்டைச் சேர்ந்த டேனியல் ரிக்கார்டோ ஆகியோர் வெளியிட்டனர். சென்ற ஆண்டு மெக்லாரன் அணி சார்பாக போட்டியிட்ட MCL35 காரில் சிறிய மாற்றங்களை ஏற்படுத்தி வெளியிடப்பட்ட கார்தான் MCL35M. சென்ற ஆண்டு ரெனால்ட் எஞ்சின் பயன்படுத்திய மெக்லாரன் அணி இந்த ஆண்டு மெர்சிடிஸ் என்ஜின் பயன்படுத்தும் என்று அறிவித்துள்ளனர்.
இது மெக்லாரன் அணிக்கு பெரும் பலமாக பார்க்கப்படுகிறது. எண்பதுகளின் பின்பகுதியை முற்றிலுமாக ஆண்ட மெக்லாரன் அணி 2008ஆம் ஆண்டிற்குப் பின் ஓட்டுனர் சாம்பியன்ஷிப் பட்டம் எதுவும் வெல்லவில்லை, மேலும் 1998 ஆம் ஆண்டுக்குப் பின் அணிகளுக்குக்கான சாம்பியன்ஷிப் பட்டமும் வெல்லவில்லை.
மேலும் 2013ம் ஆண்டுக்கு பின் தொடர்ச்சியாக பரிதாபமான இடங்களையே பிடித்துள்ளனர், ஏழு ஆண்டுகளுக்குப் பின் கடந்த சீசனில் டாப் 3 இடத்தை பிடித்தனர். புதிய சீசனுக்காக அணியில் இணைந்துள்ள டேனியல் ரிக்கார்டோ எந்த ஒரு சந்தேகமும் இன்றி அணியை பலப்படுத்துவார். கடந்த சீசனில் 202 புள்ளிகள் குவித்த மெக்லாரன் அணி இம்முறை அதைவிட அதிகம் குவிக்க வேண்டும் என்ற எதிர்பார்ப்போடு களமிறங்கும்.
Mobile AppDownload Get Updated News