லுக்காக்கு, சிலாட்டான் இடையே நடைபெற்ற மோதலில் சித்தரிக்கும் வகையில் புதிய சுவரோவியம்

இத்தாலியின் கால்பந்து லீகின் மிக பாரம்பரியமிக்க ஆட்டமாக பார்க்கப்படும் ஏசி மிலான் மற்றும் இன்டர் அணிகளுக்கு இடையே நடைபெறும் ஆட்டம் சென்ற மாதம் 27 ஆம் தேதி நடைபெற்றது, அந்த ஆட்டத்தின் முதல் பாதியின் முடிவில் இரு அணியின் ஸ்ட்ரைக்கர்களான லுக்காக்கு மற்றும் சிலாட்டான்னுக்கு இடையே கடும் மோதல் ஏற்பட்டது, இருவரும் தகாத வார்த்தைகளை பயன்படுத்தி வாக்குவாதத்தில் ஈடுபட்டனர் அதைத்தொடர்ந்து இருவரும் இரண்டு ஆட்டங்கள் தடைவிதிக்கப்பட்டது.

இருவரும் நடப்பு சீசனில் தங்கள் அணியை முன்னின்று நடத்திச் செல்கின்றனர், லுக்காக்கு இன்டர் அணிக்காக 16 கோல் பதிவுசெய்துள்ளார், அதுபோல சிலாட்டான்னும் 14 கோல் பதிவு செய்துள்ளார். இருவரும் அணிகளின் மிக முக்கியமான வீரராக திகழ்கின்றனர். இவ்விரு வீரர்களும் மான்செஸ்டர் யுனைடெட் அணிக்காக ஒரே சமயத்தில் விளையாடி உள்ளார்கள் என்பது குறிப்பிடத்தக்கது.

புள்ளி பட்டியலில் முதல் இடத்தில் இருக்கும் இன்டர் அணிக்கும் இரண்டாம் இடத்தில் இருக்கும் ஏசி மிலான் அணிக்கும் இடையே நடைபெறும் இந்தப் போட்டிக்கு பல ஆண்டுகள் கழித்து பெரும் எதிர்பார்ப்பு குவிந்துள்ளது. கடந்த சில ஆண்டுகளாக இரு அணியினரும் பெரிய அளவில் சிறப்பான ஆட்டத்தை வெளிப்படுத்த காரணத்தால் இவ்விரு அணிகளும் மோதும் ஆட்டத்தின் எதிர்பார்ப்புகள் சற்று குறைவாகவே காணப்பட்டது.

பெங்களூரு அணி அபார வெற்றி: 3வது தோல்வியை பதிவு செய்த மும்பை அணி!


ஆனால், இந்த ஆண்டு இவ்விரு அணிகளுக்கு இடையே நடைபெறும் இந்த ஆட்டம் நடப்பு சீசனில் சாம்பியன் பட்டத்தை நிர்ணயிக்கும் ஒரு ஆட்டமாக அமைகிறது. கடந்த ஜனவரி மாதம் 27ஆம் தேதி இவ்விரு அணிகளுக்கு இடையே நடைபெற்ற ஆட்டத்தில் லுக்காக்கு மற்றும் சிலாட்டான் இடையே நடைபெற்ற வாக்குவாதம் மேலும் இந்த ஆட்டத்தை சுவாரசியமானதாக மாற்றுகிறது.

இந்நிலையில் இத்தாலி நாட்டைச் சேர்ந்த சுவர் ஓவியர்கள் ஆகிய ஸ்டேரியல் மற்றும் கேஒன் ஆகியோர் லுக்காக்கு மற்றும் சிலாட்டானுக்கு இடையே நடைபெற்ற மோதலை சித்தரிக்கும் வகையில் சுவரோவியத்தை போட்டி நடைபெறவிருக்கும் சான் சீரோ மைதானத்திற்கு வெளியே வரைந்துள்ளனர். இது ரசிகர்களை வெகுவாக கவர்ந்துள்ளது.