வெஸ்ட் ப்ராம் அணிக்கு எதிராக டிரா செய்த மான்செஸ்டர் யுனைடெட்

இங்கிலாந்து நாட்டில் நடைபெற்று வரும் பிரீமியர் லீக் போட்டியில், புள்ளி பட்டியலில் இரண்டாம் இடத்தில் இருக்கும் மான்செஸ்டர் யுனைடெட் அணியும், 19வது இடத்தில் இருக்கும் வெஸ்ட் ப்ராம் அணியும் மோதின. இவ்விரண்டு அணிகள் மோதிய முதல் ஆட்டத்தில் மான்செஸ்டர் யுனைடெட் அணி வெற்றி பெற்றது, வெஸ்ட் ப்ராம் அணி கடந்த 5 ஆட்டங்களில் 4 தோல்வியை பதிவு செய்துள்ளது, மறுமுனையில் மான்செஸ்டர் யுனைடெட் அணியும் கடந்த 5 ஆட்டங்களில் 2 வெற்றியை மட்டும் பதிவு செய்துள்ளது, இதனால் அவர்களது பரம எதிரியான மான்செஸ்டர் சிட்டி அணியை 8 புள்ளிகள் முன்னிலை பெறச் செய்துள்ளது.

தொடர்ச்சியாக எதிர்பார்த்த அளவிற்கு முடிவுகள் வராத காரணத்தால் முதலிடத்தில் இருந்து மூன்றாம் இடத்திற்கு தள்ளப்பட்டுள்ளனர். இதிலிருந்து மீண்டு வருவதற்கு வெஸ்ட் ப்ராம் அனுப்பியது தான் இந்த ஆட்டம் ஒரு அருமையான வாய்ப்பு. குறிப்பாக நடப்பு சீசனில் அதிக கோல் அடித்து சிறந்த தாக்குதல் அணியாக உருவெடுத்திருக்கும் மான்செஸ்டர் யுனைடெட் அணி எதிர்கொள்ளும் அணியான வெஸ்ட் ப்ராம் நடப்பு சீசனில் அதிக கோல் கொடுத்து மிக மோசமான தடுப்பு ஆட்டம் உடனடியாக வலம் வரக்கூடிய ஒரு அணி. எனவே மான்செஸ்டர் யுனைடெட் அணிக்கு இந்த ஆட்டம் அவ்வளவு கடினமான ஒன்றாக இருக்காது

முதல் பாதி துவங்கியதும் மான்செஸ்டர் யுனைடெட் அணிக்கு அதிர்ச்சி காத்திருந்தது. ஆட்டத்தின் 3-வது நிமிடத்தில் வெஸ்ட் ப்ராம் அணியின் காலகெர் கொடுத்த கிராஸ்ஸை டியாக்னே தலையால் முட்டி கோலாக மாற்றினார். ஆட்டத்தின் துவக்கத்திலேயே முன்னிலை பெற்ற வெஸ்ட் ப்ராம், கடுமையான தடுப்பு ஆட்டத்தில் இறங்கினர். மான்செஸ்டர் யுனைடெட் அணியினர் தொடர்ச்சியாக வாய்ப்புகளை ஏற்படுத்த முற்பட்டனர் ஆனால் வெஸ்ட் ப்ராம் அணியின் தடுப்பாட்டம் சிறப்பாக செயல்பட்டதால் மான்செஸ்டர் யுனைடெட் அணியினரால் பெரிய அளவில் வாய்ப்புகள் ஏற்படுத்த இயலவில்லை.

ஒடிசா அணி மீண்டும் தோல்வி: மூன்றாம் இடத்திற்கு முன்னேறிய நார்த் ஈஸ்ட் அணி!

மான்செஸ்டர் யுனைடெட் அணியில் தாக்குதல்கள் சிறப்பானதாக அமையாததால் முதல் பாதி 1-0 என்ற கோல் கணக்கில் நோக்கி சென்று கொண்டிருந்தது. இறுதியாக ஆட்டத்தின் 44 வது நிமிடத்தில் ஷா கொடுத்த கிராஸ்ஸை புருனோ அற்புதமாக கோல் அடித்து ஆட்டத்தை சமன் செய்தார். முதல் பாதியில் ஆட்டம் 1-1 என்ற கோல் கணக்கில் முடிவடைந்தது.

இரண்டாம் பாதியில் தொடர்ந்து தடுப்பாட்டம் மேற்கொண்ட வெஸ்ட் ப்ராம் அணி அவ்வப்போது மான்செஸ்டர் யுனைடெட் அணியின் கோல்கீப்பரை சோதித்தனர். மான்செஸ்டர் யுனைடெட் அணிக்கு மறுமுனையில் ஆட்டத்தின் 62வது நிமிடத்தில் ஒரு பெனால்டி கொடுக்கப்பட்டது, ஆனால் மறுபரிசீலனை செய்ய பின்பு பெனால்டி திரும்ப பெறப்பட்டது. இரண்டாம் பாதியில் இரு அணியினரும் கோல் அடிப்பதற்கு கடுமையான போட்டி நிலவியது.

மான்செஸ்டர் யுனைடெட் அணி நடத்திய தாக்குதல்கள் வெஸ்ட் ப்ராம் அணியின் தடுப்பு ஆட்டத்தையோ கோல் கீப்பரையோ பெரிய அளவில் சோதிக்க வில்லை. வெஸ்ட் ப்ராம் அணியின் ஸ்ட்ரைக்கர் டியாக்னேவிர்க்கு இரண்டு அருமையான வாய்ப்புகள் கிடைக்க, இரண்டையும் அவர் தவராவிட்டார். மான்செஸ்டர் யுனைடெட் அணியின் தடுப்பு ஆட்டம் அத்தனை சிறப்பானதாக அமையவில்லை. இறுதியில் ஆட்டம் 1-1 என்ற கோல் கணக்கில் டிரா ஆனது.

இந்த டிராவின் மூலம், மான்செஸ்டர் யுனைடெட் அணி இரண்டாம் இடத்திற்க்கு முன்னேறியது, நடப்பு சீசனில் சிறந்த தாக்குதல் அணியாக வலம்வந்த மான்செஸ்டர் யுனைடெட் அணியினரால், சீசனின் மிக மோசமான தடுப்பு ஆட்டம் கொண்ட அணியான வெஸ்ட் ப்ராம் அணியை வீழ்த்த முடியாததால் ரசிகர்கள் கடும் ஏமாற்றத்தில் ஆழ்ந்தனர்.