Quantcast
Channel: tamil Samayam
Viewing all articles
Browse latest Browse all 2245

லிவர்பூல் அணியில் தொடரும் பின்னடைவு: தொடர்ச்சியாக மூன்றாவது தோல்வி

$
0
0

இங்கிலாந்து நாடு முழுவதும் நடைபெற்று வரும் பிரீமியர் லீக் ஆட்டத்தில் இன்று புள்ளிப் பட்டியலில் மூன்றாம் இடத்தில் இருக்கும் லெஸ்டர் சிட்டி அணியும் நான்காம் இடத்தில் இருக்கும் நடப்பு சாம்பியனான லிவர்பூல் அணியும் மோதின. இவ்விரண்டு அணிகள் மோதிய முதல் ஆட்டத்தில் லிவர்பூல் அணி 3-0 என்ற கோல் கணக்கில் வெற்றி பெற்றது.

லிவர்பூல் அணி தொடர்ச்சியாக இரண்டு தோல்விகளை சந்தித்து களம் கண்டது, லிவர்பூல் அணியின் தற்போதைய மேலாளரான கிளாப்பிர்க்கு கீழ் லிவர்பூல் அணி தொடர்ச்சியாக மூன்று ஆட்டங்களில் தோல்வி அடைந்தது இல்லை. மறுமுனையில் சிறப்பான ஆட்டத்தை வெளிப்படுத்தி புள்ளிப் பட்டியலில் மூன்றாம் இடத்தை அலங்கரித்துக் கொண்டிருக்கும் லெஸ்டர் சிட்டி அணியின் தற்போதைய மேலாளரான பிரன்டன் ராட்ஜெர்ஸ் லிவர்பூல் அணியின் மேலாளர் ஆன கிளாப்பை வீழ்த்தியதே இல்லை, ஆனால் இம்முறை லிவர்பூல் அணி மிக மோசமான நிலைமையில் இருப்பதால் லெஸ்டர் சிட்டி அணி வெற்றி பெரும் வாய்ப்பு அதிகமாகவே இருந்தது.

லிவர்பூல் அணியும் இந்தப் போட்டியில் தோல்வி அடைந்தால் புள்ளிப் பட்டியலில் எட்டாம் இடத்தை தள்ளப்படும் வாய்ப்பு ஏற்படும். எனவே இந்த ஆட்டத்தில் நிச்சயமாக வெற்றி பெற வேண்டும் என்ற எண்ணத்தோடு லிவர்பூல் அணி களம் இறங்கியது. மறுமுனையில் லெஸ்டர் சிட்டி அணியும் இந்த ஆட்டத்தில் வெற்றி பெறும் பட்சத்தில் இரண்டாம் இடத்திற்கு முன்னேறும், இவர்களும் வெற்றியை கருத்தில் கொண்டே களமிறங்கினர்.

ஆட்டம் துவங்கியதும் எப்பொழுதும் போல தாக்குதல் ஆட்டத்தில் ஈடுபட்டது, மறுமுனையில் லெஸ்டர் சிட்டி அணி தடுப்பு ஆட்டத்தில் ஈடுபட்டது. கவுண்டர் அட்டாக்கிர்க்கு பேர்போன லெஸ்டர் சிட்டி அணி ஆட்டத்தின் 11வது நிமிடத்தில் கவுண்டர் அட்டாக் செய்ய அணியின் ஸ்ட்ரைக்கர் வார்டி தவறவிட்டார். லெஸ்டர் சிட்டி அணியினர் எப்பொழுதும் போல தடுப்பு ஆட்டத்தை தொடர்ந்தனர், லிவர்பூல் அணி ஆட்டத்தின் வேகம் காணப்பட்டது இருப்பினும் பெரிய அளவில் வாய்ப்புகளை ஏற்படுத்த தவறினர்.

அட்லடிகோ மாட்ரிட் அணி வெற்றி: முதலிடத்தில் இடைவெளியை அதிகரித்துள்ளது

ஆட்டத்தின் 17 ஆவது நிமிடத்தில் அணியின் நட்சத்திர வீரரான சாலாவிர்க்கு கிடைத்த வாய்ப்பை தவறவிட, ஆட்டம் 0-0 என்ற கோல் கணக்கில் தொடர்ந்தது. லெஸ்டர் சிட்டி அணியின் என்டிடி அட்டகாசமான ஆட்டத்தை வெளிப்படுத்தினார், லிவர்பூல் அணியின் தாக்குதல்கள் துவங்குவதற்கு முன்னமே நிறுத்தி கோல் விழாமல் பார்த்துக் கொண்டார். ஆட்டத்தின் 42 ஆவது நிமிடத்தில் லெஸ்டர் சிட்டி அணியின் ஸ்ட்ரைக்கரான வார்டி தனக்கு கிடைத்த அருமையான வாய்ப்பை கோல் கம்பத்தில் ராக்கெட் வேகத்தில் அடித்தார்.

லிவர்பூல் அணியினர் கடுமையான தாக்குதல் ஆட்டத்தில் ஈடுபட்டாலும் லெஸ்டர் சிட்டி அணிக்கு கிடைத்த வாய்ப்புகள் லிவர்பூல் அணிக்கு கிடைத்த வாய்ப்புகளை விட தரமாக இருந்தது. ஆனால் இரு அணியினரும் தங்களுக்கு கிடைத்த வாய்ப்பை சரியாக பயன்படுத்தாத காரணத்தால் முதல் பாதி 0-0 என்ற கோல் கணக்கில் முடிந்தது.

இரண்டாம் பாதி சற்று மெதுவாகவே துவங்கியது பெரிய அளவில் இரு அணியினரும் எதிரணியினரை சோதிக்க வில்லை. ஆட்டத்தின் 57வது நிமிடத்தில் லிவர்பூல் அணிக்கு கிடைத்த ஃப்ரீ கிக்கை அர்னால்ட் கோல் கம்பத்தில் அடித்தார், அதிலிருந்து ஆட்டம் சூடு பிடிக்கத் துவங்கியது. அர்னால்ட் அடித்த ஷாட் மூலம் லிவர்பூல் அணி புத்துயிர் பெற்றது, கடுமையான தாக்குதல் ஆட்டத்தில் ஈடுபடத் தொடங்கியது அதன் பலனாக ஆட்டத்தின் 67வது நிமிடத்தில் ஃபிர்மினோ கொடுத்த பாசை அணியின் நட்சத்திர வீரர் சாலா அற்புதமாக பந்தை சுழற்றி விட்டு கோல் அடிக்க லிவர்பூல் அணி முன்னிலை பெறச் செய்தார்.

இதனால் பதறிப்போன லெஸ்டர் சிட்டி அணி தாக்குதல் நடத்தத் தொடங்கியது அதைத்தொடர்ந்து ஆட்டத்தின் 78-வது நிமிடத்தில் லெஸ்டர் சிட்டி அணிக்கு ஒரு ஃப்ரீ கிக் கிடைத்தது அதை அணியின் நடுகள வீரரான மாடிஸ்ஸன் கோலாக மாற்றி ஆட்டத்தை சமன் செய்தார். கண்ணிமைக்கும் நேரத்தில் லிவர்பூல் அணியின் தடுப்பு ஆட்டத்தில் ஏற்பட்ட குளறுபடி காரணமாக அணியின் கோல்கீப்பர் அலிசன்னும், தடுப்பு ஆட்டக்காரரான கபக்கும் நேருக்கு நேர் மோதிக் கொண்டனர் இதனால் பந்து லெஸ்டர் சிட்டி அணியின் ஸ்ட்ரைக்கர் வார்டியிடம் சென்றது அதை அவர் கோல்கீப்பர் இல்லாத கோலை நோக்கி எளிதாக கோல் அடித்து லெஸ்டர் சிட்டி அணியை முன்னிலை பெறச் செய்தார்.

தொடர்ந்து, மீண்டும் கவுண்டர் அட்டாக் செய்த லெஸ்டர் சிட்டி அணிக்கு 83வது நிமிடத்தில் 2 அருமையான வாய்ப்புகள் கிடைக்க இரண்டையும் லிவர்பூல் அணியின் கோல்கீப்பர் அலிசன் அட்டகாசமாக கோல் விழாமல் தடுத்தார், ஆனால் மீண்டும் ஆட்டத்தின் 85வது நிமிடத்தில் கவுண்டர் அட்டாக் செய்த லெஸ்டர் சிட்டி அணிக்கு பார்ன்ஸ் மேலும் ஒரு கோல் அடித்து 3-1 என்ற கோல் கணக்கில் வெற்றி பெறச் செய்தார்.

லெஸ்டர் சிட்டி அணி இந்த வெற்றியின் மூலம் இரண்டாம் இடத்தில் இருக்கும் மான்செஸ்டர் யுனைடெட் அணியை பின்னுக்குத் தள்ளி இரண்டாம் இடத்தை பிடித்தது. அதுபோல இந்தத் தோல்வியின் மூலம் லிவர்பூல் அணி தொடர்ச்சியாக மூன்றாவது தோல்வியை பதிவு செய்துள்ளது. மேலும் எஞ்சியுள்ள ஆட்டங்களில் செல்சீ, வெஸ்ட் ஹாம், டோட்டன்ஹாம், எவர்டன், ஆஸ்டன் வில்லா ஆகிய அணிகள் வெற்றி பெறும் பட்சத்தில் லிவர்பூல் அணி 9வது இடத்திற்கு தள்ளப்படும். தொடர் தோல்வியின் காரணமாக லிவர்பூல் அணியின் ரசிகர்கள் கடும் ஏமாற்றமடைந்துள்ளனர்.

Mobile AppDownload Get Updated News


Viewing all articles
Browse latest Browse all 2245

Latest Images

Trending Articles


சாலை விபத்துகளும், அவற்றைத் தடுப்பதற்கான சட்டத் தேவைகளும்..!


சித்தன் அருள் - 768 - தாமிரபரணி புஷ்கரம், அந்தநாள்>>இந்த வருடம் - கோடகநல்லூர்!


ஒன்பது கோடி முனிவர்கள் மற்றும் தேவர்களின் அருளை பெற்றுத்தரும் பதஞ்சலி காயத்ரி...


Lara Croft Tomb Raider: The Cradle of Life (2003) Tamil Dubbed Movie 720p HD...


வெட்டவெளிதனில் கொட்டிக்கிடக்குது – இளையராஜா


வேதம் புதிது - கபிலரும் பாரதிராஜாவும்


வசியம் செய்வது எப்படி..? வசிய மை,வசிய மருந்து ரகசியங்கள்


சித்தன் அருள் - 204 - அகத்தியர் அறிவுரை - 20


கார் கவிழ்ந்தது பாண்டி ரவி படுகாயம்


தகழி சிவசங்கரப்பிள்ளையின் ஏணிப்படிகள்



Latest Images

<script src="https://jsc.adskeeper.com/r/s/rssing.com.1596347.js" async> </script>