Quantcast
Channel: tamil Samayam
Viewing all articles
Browse latest Browse all 2245

இரண்டு வீரர்களுக்கு சிகப்பு அட்டை: உல்வ்ஸ் அணியுடன் மீண்டும் தோல்வி!

$
0
0

பிரீமியர் லீக் போட்டியில் இன்று அதிகாலை நடந்துமுடிந்த ஆட்டத்தில் ஆர்சனல் அணியும் உல்வ்ஸ் அணியும் மோதின. நடப்பு சீசனின் துவக்கத்தில் வெற்றி பெறுவதற்கு திணறி வந்த ஆர்சனல் அணி சமீப காலமாக சிறப்பான ஆட்டத்தை வெளிப்படுத்தி வருகின்றது. மறுமுனையில் உல்வ்ஸ் அணி பிரீமியர் லீக்கில் தொடர்ச்சியாக 8 ஆட்டங்களில் வெற்றி இன்றி தவித்து வருகின்றது. இவ்விரு அணிகளும் மோதிய முதல் ஆட்டத்தில் 2-1 என்ற கோல் கணக்கில் உல்வ்ஸ் அணி வெற்றி பெற்றது. அந்த ஆட்டத்தில் தோல்வி அடைந்ததன் காரணமாக பழி வாங்குவதற்கு இந்த ஆட்டம் ஆர்சனல் அணிக்கு அருமையான வாய்ப்பாக அமைந்தது. அட்டகாசமாக ஆட்டத்தை துவங்கிய ஆர்சனல் அணியின் இளம் நட்சத்திரமான சாக்கா ஆட்டத்தின் முதல் நிமிடத்திலேயே கோல் கம்பத்தை அதிர வைத்தார்.

அதைத்தொடர்ந்து ஆர்சனல் அணியின் செட்ரிக் கொடுத்த பாசை சாக்கா அடிக்க அது உல்வ்ஸ் அணியின் கோல்கீப்பர் ருய் பட்ரிசியோ கைகளுக்குச் சென்றது. எப்பொழுதும் போல உல்வ்ஸ் அணி தடுப்பு ஆட்டத்தில் ஈடுபடத் தொடங்கியது. அந்தச் சமயத்தில் ஆர்சனல் அணியின் முன்கள ஆட்டக்காரரான பெப்பே பந்தை கடத்திச் சென்று அதை சுழற்றி விட்டு கோலாக மாற்றினார். ஆர்சனல் அணி சிறப்பான ஆட்டத்தை வெளிப்படுத்தியதன் காரணமாக இந்த கோல் அமைந்தது. தொடர்ந்து தாக்குதல் ஆட்டத்தில் ஈடுபட்ட ஆர்சனல் அணியினருக்கு முதல் பாதியின் கடைசி நிமிடத்தில் ஒரு அதிர்ச்சி காத்திருந்தது.
80669591

80669118

உல்வ்ஸ் அணியின் முன்கள வீரரான வில்லியம் ஜோசேவை ஆர்சனல் அணியின் தடுப்பு ஆட்டக்காரரான டேவிட் லூயிஸ் தட்டிவிட, சர்ச்சைக்குரியதாக சிவப்பு அட்டை வழங்கப்பட்டு வெளியேற்றப்பட்டார், அதன்மூலம் உல்வ்ஸ் அணிக்கு கிடைத்த பெனால்டியை அணியின் நடுகல் வீரரான நெவெஸ் கோலாக மாற்றினார். முதல் பாதியில் ஆட்டம் 1-1 என்ற கோல் கணக்கில் முடிவு பெற்றது. முதல் பாதியை ஆர்சனல் அணி கடுமையான ஆதிக்கம் செலுத்திய போதிலும் இறுதி நிமிடத்தில் அவர்களுக்கு வழங்கப்பட்ட சிவப்பு அட்டை ஆட்டத்தின் போக்கை கடுமையாக மாற்றியது.

இரண்டாம் பாதியை அட்டகாசமாக துவங்கிய உல்வ்ஸ் அணியினருக்கு ஆட்டத்தின் 49வது நிமிடத்தில் மற்றொரு கோல் கிடைத்தது. சுமார் 35 அடி தொலைவில் இருந்து முட்டினோ கோல் அடித்து உல்வ்ஸ் அணியை முன்னிலை பெறச் செய்தார். ஆட்டத்தில் கூடுதலாக ஒரு வீரர் உல்வ்ஸ் அணியில் இருந்தது அவர்களுக்கு மிகப்பெரிய பலனாக அமைந்தது. இதை சரியாக பயன்படுத்திக் கொண்டு உல்வ்ஸ் அணியினர், ஆர்சனல் அணியின் தடுப்பு ஆட்டத்திற்கு அச்சமூட்டி வந்தனர். இதனால் ஆர்சனல் அணி தாக்குதல் ஆட்டத்தில் ஈடுபடுவதற்கு சற்று தயக்கம் காட்டினர்.
80669598

80668928

அவர்களால் முழு வீச்சில் தாக்குதல் ஆட்டத்தில் ஈடுபடுவதற்கு இது தடையாக அமைந்தது. ஆட்டத்தின் 73வது நிமிடத்தில் ஆர்சனல் அணியின் கோல்கீப்பர் லெனோ அவருக்கு நிர்ணயிக்கப்பட்ட பெனால்டி பாக்ஸ்ஸை விட்டு வெளியே வந்து பந்தை கைகளால் தட்டி விட அவருக்கும் சிவப்பு அட்டை வழங்கப்பட்டு வெளியேற்றப்பட்டார். இதனால் ஒன்பது வீரர்களை வைத்து எஞ்சியுள்ள ஆட்டத்தை எதிர்கொள்ள தள்ளப்பட்டனர். ஆர்சனல் அணியினர் தாக்குதல் ஆட்டத்தில் ஈடுபட்டும் அவர்களால் வாய்ப்புகளை உருவாக்க முடியாமல் இறுதியில் தோல்வி அடைந்தனர். பிரீமியர் லீக் ஆட்டங்களில் தொடர்ச்சியாக 7 ஆட்டங்களில் தோல்வி அடையாத ஆர்சனல் அணி, இதன்மூலம் 2021ஆம் ஆண்டு பிரீமியர் லீக்கில் தனது முதல் தோல்வியை பதிவு செய்துள்ளது.

Mobile AppDownload Get Updated News


Viewing all articles
Browse latest Browse all 2245

Trending Articles


ஆசீர்வாத மந்திரங்கள்


திருச்சி அன்னை ஆசிரமத்தில் … …


வசியம் செய்வது எப்படி..? வசிய மை,வசிய மருந்து ரகசியங்கள்


சேலம் அருகே கூரை வீடு தீப்பிடித்து எரிந்தது


ரேப் ஸ்பெசலிஸ்ட்


வீட்டில் சேலை கட்டிக்கொண்டு பெண்ணாக மாறும் கணவன்! நொந்துபோன மனைவி!!


சுகப்பிரசவம் நிகழ சொல்ல வேண்டிய மந்திரம்


ஒன்பது கோடி முனிவர்கள் மற்றும் தேவர்களின் அருளை பெற்றுத்தரும் பதஞ்சலி காயத்ரி...


‘ஹன்சிகா நிர்வாண குளியல் வீடியோ': பதறிப்போன கோடம்பாக்கம்


கோவை எக்ஸ்பிரஸ் - திருநங்கை 2019 பதிவு சமீபத்திய பின்னூட்டங்கள்



<script src="https://jsc.adskeeper.com/r/s/rssing.com.1596347.js" async> </script>