டுச்செலின் முதல் வெற்றி: ஆதிக்கம் செலுத்தி பர்ன்லீ அணியை வீழ்த்தியது!

பிரீமியர் லீகில் இன்று செல்சீ அணியும் பர்ன்லீ அணியுடன் மோதியது. இவ்விரண்டு அணிகளும் மோதிய முதல் ஆட்டத்தில் செல்சீ அணி 3-0 என்ற கோல் கணக்கில் வெற்றி பெற்றது, அந்த ஆட்டத்தில் பர்ன்லீ அணி அடித்த ஷாட் ஒன்று கூட கோலை நோக்கி செல்லவில்லை, அந்த அளவிற்கு செல்சீ அணி ஆதிக்கம் செலுத்தி வெற்றி பெற்றது. இம்முறை பர்ன்லீ அணியை வீழ்த்துவது அவ்வளவு எளிதாக இருக்காது ஏனென்றால் தொடர்ச்சியாக மூன்று வெற்றிகளை பதிவு செய்துள்ளனர், வெற்றிபெற்ற மூன்று அணிகளும் இந்த ஆண்டு சிறப்பாக ஆடிவரும் அணிகளான லிவர்பூல், ஃபுல்ஹாம் மற்றும் ஆஸ்டன் வில்லா போன்ற அணிகளை வீழ்த்தி இந்த ஆட்டத்தில் களம் இறங்கியது.

மறுமுனையில் செல்சீ அணி புதிய மேலாளர் நியமித்து இரண்டாவது ஆட்டத்தில் களம் இறங்கியது சென்ற ஆட்டத்தில் கோல் எதுவும் பதிவு செய்யாமல் 0-0 என்ற கோல் கணக்கில் டிரா ஆனது, புதிய மேலாளரின் கீழ் பெரும் முதல் வெற்றியாக இந்த ஆட்டம் அமைய வேண்டும் என்ற முனைப்போடு செல்சீ அணியினர் களமிறங்கினர். செல்சீ அணியின் மார்கோஸ் அலோன்சோ பல மாதங்களுக்குப் பின் இன்று அணியில் சேர்க்கப்பட்டார்.

முதல் பாதி துவங்கியதிலிருந்து செல்சீ அணி ஆதிக்கம் செலுத்தியது, எப்பொழுதும் போல பர்ன்லீ அணியினர் தடுப்பு ஆட்டத்தில் ஈடுபட்டனர். பிரீமியர் லீக்கில் தடுப்பு ஆட்டத்திற்கு என்றே பேர்போன பர்ன்லீ அணியை மீறி கோல் அடிப்பது என்பது அவ்வளவு எளிதல்ல, பல அணிகள் பர்ன்லீ அணிக்கெதிராக கோல் எதுவும் பதிவு செய்யாமல் ஆட்டத்தை நிறைவு செய்திருக்கின்றனர், தடுப்பு ஆட்டம் மட்டுமல்லாமல் கவுண்டர் அட்டாக்கிலும் சிறப்பாக செயல்படும் ஒரு அணியாக பர்ன்லீ விளங்குகிறது. செல்சீ அணியினர் தாக்குதல் ஆட்டத்தில் ஈடுபட்டனர், சென்ற ஆட்டத்தைப் போலவே இந்த ஆட்டத்திலும் நிதானமாகவே ஆட்டத்தை கையாண்டனர் ஆனால் தாக்குதல் நடத்துவதற்காக எந்நேரமும் தயாராகவே இருந்தனர்.

கோல் இன்றி ட்ராவில் முடிந்த ஆர்சனல், மான்செஸ்டர் யுனைடெட் ஆட்டம்!

சந்தர்ப்பம் கிடைக்கும் நேரத்தில் தாக்குதல்களை நடத்தி வந்தனர், குறிப்பாக அணியின் இளம் நட்சத்திரங்களான மவுண்ட், ஹட்சன் ஒடோய் ஆகியோர் தொடர்ச்சியாக வாய்ப்புகளை ஏற்படுத்தி வந்தனர் பற்றாக்குறைக்கு நடுகள வீரரான ஜார்ஜினியோ சிறப்பாக செயல்பட்டு வாய்ப்புகளை ஏற்படுத்திக் கொடுத்தார். ஆனால் வெர்னர், ஆபரஹாம், மவுண்ட் ஆகியோர் கிடைத்த வாய்ப்புகளை நழுவ விட்டனர். இறுதியாக ஆட்டத்தின் 40வது நிமிடத்தில் செல்சீ அணியின் கேப்டன் அஸ்பிலிகுவெட்டா கோல் அடித்து முன்னிலை பெரச்செய்தார். முதல் பாதி 1-0 என்ற கோல் கணக்கில் முடிவடைந்தது, முதல் பாதியில் பர்ன்லீ அணி கோலை நோக்கி ஒரு ஷாட் கூட அடிக்கவில்லை.

இரண்டாம் பாதியும் முதல் பாதியை போலவே அமைந்தது, ஆனால் முதல்பாதியில் செல்சீ ஆதிக்கம் செலுத்தியதை விட இரண்டாம்பாதியில் கடுமையாக ஆதிக்கம் செலுத்தியது. பர்ன்லீ அணி கடுமையான தடுப்பு ஆட்டத்தில் ஈடுபட்டு எதிர்பாராத நேரத்தில் கவுண்டர் அட்டாக் செய்ய வேண்டும் என்ற முனைப்போடு விளையாட, செல்சீ அணியின் தடுப்பு ஆட்டம் சிறப்பானதாக அமைந்ததால் பர்ன்லீ அணியால் கவுண்டர் அட்டாக் செய்ய இயலவில்லை. முதல் பாதியை போலவே இரண்டாம் பாதியிலும் செல்சீ அணி பல வாய்ப்புகளை உருவாக்கி வந்தனர்.

ஆனால் அது எவற்றையும் கோலாக மாற்ற வில்லை. செல்சீ அணியின் முன்கள வீரர்கள் கோல் அடிப்பதற்கு சொதப்பி வந்த நிலையில் ஆட்டத்தின் 84 ஆவது நிமிடத்தில் மார்கோஸ் அலோன்சோ அட்டகாசமாக ஒரு கோல் அடித்து செல்சீ அணியின் முன்னிலையை இரண்டாக மாற்றினார். இறுதியாக ஆட்டத்தின் கடைசி நிமிடத்தில் பர்ன்லீ அணியின் தடுப்பு ஆட்டக்காரரான டார்கௌஸ்க்கி தனது அணியின் முதல் ஷாட்டை பதிவு செய்தார். இந்த ஆட்டத்தில் பர்ன்லீ அணி விளையாடியதா இல்லையா என்ற அளவிற்கு மோசமாக விளையாடினர். இந்த வெற்றியின் மூலம் செல்சீ அணி புள்ளிப் பட்டியலில் 7வது இடத்திற்கு முன்னேறியது.