ரசிகர்களை தன் பக்கம் திருப்பிய மான்செஸ்டர் யுனைடெட் அணியின் இளைஞர்!

இன்று உலகம் முழுவதும் பல்வேறு முன்னணி அணிகளான பேயன் மியூனிக், டார்ட்மண்ட், ரியல் மாட்ரிட், மான்செஸ்டர் சிட்டி ஆகியோர் விளையாடினாலும் இன்று பலரது பார்வையை 23 வயதுக்கு உட்பட்டவர்களுக்கான ஆட்டம் பக்கம் திருப்பியுள்ளார் மான்செஸ்டர் யுனைடெட் U23 அணியின் நட்சத்திர வீரரான அமாட் டியாலோ. இந்த மாதம் இத்தாலி நாட்டைச் சேர்ந்த அட்லாண்டா அணியிலிருந்து, மான்செஸ்டர் யுனைடெட் அணியின் இளைஞர் அணியில் சேர்ந்தார். இவரது ஆட்டம் பல்வேறு பெரிய அணிகளை ஈர்த்தது.

இறுதியில் இவர் மான்செஸ்டர் யுனைடெட் அணியுடன் ஒப்பந்தம் செய்யப்பட்டார். அதன்பின் அவர் முதன்முறையாக மான்செஸ்டர் யுனைடெட் இளைஞர் அணிக்கு விளையாடினார். இவரது ஆட்டத்தை காண்பதற்கு பல்வேறு ரசிகர்கள் இணையதளத்தில் குவிந்தனர். இவரது ஒவ்வொரு அசைவையும் தங்களது சமூக வலைதளங்களில் பகிர்ந்து வந்தனர்.


மான்செஸ்டர் யுனைடெட் அணியின் பரம விரோதி அணியான லிவர்பூல் அணியின் இளைஞர் அணிக்கு எதிராக இவர் இன்று ஆடிய ஆட்டம், மான்செஸ்டர் யுனைடெட் அணியின் ரசிகர்களை வெகுவாக கவர்ந்தது. இவர் எதிர்காலத்தில் மிகப்பெரிய வீரனாக திகழ்வார் என்று பலர் கூறியிருந்த நிலையில், அவருடைய ஆட்டத்தை கண்டு மான்செஸ்டர் யுனைடெட் அணியின் ரசிகர்கள் வியந்தனர்.

மேலும் மான்செஸ்டர் யுனைடெட் அணிக்கு தாக்குதல் ஆட்டக்காரர் தேவைப்படும், இந்த சமயத்தில் அமாட் டியாலோ போன்ற இளம் வீரர்களை இளைஞர் அணியில் விளையாட விடுவதற்கு பதிலாக பிரதான அணியில் விளையாட வைக்க வேண்டும் என்று பல ரசிகர்கள் தங்களது சமூக வலைதளப் பக்கங்களில் கோரிக்கை வைத்தனர்.


இந்த ஆட்டத்தில் அவர் சிறப்பான ஆட்டத்தை வெளிப்படுத்தி, 2 கோல்களை பதிவு செய்தது ரசிகர்களை உற்சாகப்படுத்தியது. பல்வேறு பெரிய அணிகள் விளையாடுவதை பார்ப்பதை விட்டுவிட்டு, இந்த இளம் வீரர் ஆடுவதை ரசிகர்கள் பார்த்து ரசித்தனர் மான்செஸ்டர் யுனைடெட் ரசிகர்கள்.