ஸ்பெயின் நாட்டின் ஜாம்பவான்களான அட்லடிகோ மாட்ரிட், ரியல் மாட்ரிட் ஆகிய அணிகள் இந்த முறை காலிறுதிக்கு முன்னேறாது ரசிகர்களை அதிர்ச்சி அடைய செய்தது. ஆனால் இதர பெரிய அணிகளான பார்சிலோனா, செவிலா, வில்லாரியல் போன்ற அணிகள் முன்னேறியுள்ளது. சென்ற ஆண்டு ஒரு கோப்பை கூட வெல்லாத பார்சிலோனா அணி இம்முறை இந்த கோப்பை வெல்வதற்கான வாய்ப்பு அதிகமாக உள்ளது. குறிப்பாக ரியல்மாட்ரிட், அட்லடிகோ மாட்ரிட் போன்ற அணிகள் காலிறுதிக்கு முன்னேறாது பார்சிலோனா அணிக்கு ஒரு கூடுதல் பலம். காலிறுதிப் போட்டியில் பார்சிலோனா கிரானாடா அணியை எதிர்கொள்கிறது.
நடப்பு சீசனில் ஏழாவது இடத்தில் இருக்கும் கிரானாடா எளிதான எதிர் அணியாக இருக்காது, இருப்பினும் பார்சிலோனா அணி இந்த ஆண்டு தங்களுடைய தாக்குதல் ஆட்டத்தில் சிறந்து விளங்குகின்றனர், ஆனாலும் அவர்கள் வாய்ப்புகளை அதிகம் உருவாக்கினாலும் அதை கோலாக மாற்ற தவறி வருகின்றனர், இதை மாற்றும் பட்சத்தில் பார்சிலோனா அணி இந்த ஆண்டு இந்த கோப்பையை தட்டி செல்லக்கூடும். அதை போல மற்றொரு ஆட்டத்தில் செவிலா அணியும் இரண்டாம் நிலை அணியான அல்மைரா அணியும் மோதுகிறது. இந்த ஆட்டத்தில் செவிலா அணி சற்று எளிதாக முன்னேறும் வாய்ப்பு உள்ளது.
தவறுகளால் வீழ்ந்த டோட்டன்ஹாம்: லிவர்பூல் அட்டகாசமான ஆட்டம்!
சென்ற ஆண்டு கோப்பா டெல் ரே இறுதி போட்டிக்கு முன்னேறிய அத்லடிக் பில்பாவோ இந்தாண்டு ரியல் பேட்டிஸ் அணியை எதிர்கொள்கிறது. மற்றொரு ஆட்டத்தில் லெவன்ட்டே அணியும் வில்லாரியல் அணியும் மோதுகிறது. சென்ற சீசன் கோப்பா டெல் ரே இறுதிப்போட்டி ரியல் சோசெய்டாட் அணிக்கும் அத்லடிக் பில்பாவோ அணிக்கும் நடைபெறவிருந்தது ஆனால் கொரோனா பரவல் காரணமாக ஒத்திவைக்கப்பட்டு இந்த ஆண்டு ஏப்ரல் மாதம் நடக்கவிருக்கிறது. சென்ற ஆண்டு யாருக்கு கோப்பை என்று இன்னும் தெரியாத நிலையில், இந்த ஆண்டு கால் இருதிக்கான அட்டவணையை வெளியிட்டதை சமூக வலைதளங்களில் ரசிகர்கள் கேலி செய்து வருகின்றனர்.
Mobile AppDownload Get Updated News