Quantcast
Channel: tamil Samayam
Viewing all articles
Browse latest Browse all 2245

வெளியேறியது லிவர்பூல்: முன்னேறியது மான்செஸ்டர் யுனைடெட்!

$
0
0

இங்கிலாந்து நாடு முழுவதும் நடைபெற்று வரும் எஃப் ஏ கோப்பையின் நான்காவது சுற்றல் லிவர்பூல் அணியும் மான்செஸ்டர் யுனைடெட் அணியும் பலப்பரீட்சை நடத்தினர். கடந்த 19ஆம் தேதி இரு அணிகளும் லீக் போட்டியில் போட்டியிட்டனர். அந்த ஆட்டம் கோலின்றி டிராவில் முடிய ரசிகர்கள் ஏமாற்றமடைந்தனர். குறிப்பாக மான்செஸ்டர் யுனைடெட் அணியும் லிவர்பூல் அணியும் மோதும் ஆட்டத்திற்கு எதிர்பார்ப்புகள் எப்பொழுதும் அதிகமாக இருக்கும்.

இந்நிலையில் இன்று அதிகாலை நடைபெற்ற ஆட்டம் கடந்த முறை இரு அணிகளும் மோதியது போல ரசிகர்களை ஏமாற்றம் அடையச் செய்தது என்று எதிர்பார்க்கப்பட்ட நிலையில், ஆட்டத்தில் அனல் பறந்தது. துவக்கத்திலிருந்து லிவர்பூல் அணி தாக்குதல் ஆட்டத்தில் ஈடுபட மான்செஸ்டர் யுனைடெட் அணியும் கவுண்டர் அட்டாக் முறையில் தொடர்ந்து அவ்வப்போது தாக்குதல் நடத்தி வந்தது. ஆட்டத்தின் 19வது நிமிடத்தில் லிவர்பூல் அணிக்காக சாலா ஒரு கோல் அடித்து, லிவர்பூல் அணியை முன்னிலை பெறச்செய்தார்.

அதைத்தொடர்ந்து தாக்குதல் நடத்திய லிவர்பூல் அணிக்கு மான்செஸ்டர் யுனைடெட் அணி 26 வது நிமிடத்தில் கவுண்டர் அட்டாக் மூலம் பதிலடி கொடுத்தது. ராஷ்ஃபோர்ட் கொடுத்த பாசை கிரீன்வுட் கோலாக மாற்ற ஆட்டம் சமநிலை பெற்றது. அதைத்தொடர்ந்து லிவர்பூல் அணி தாக்குதலில் ஈடுபட்டது ஆனால் மான்செஸ்டர் யுனைடெட் அணியின் தடுப்பு ஆட்டம் சிறப்பாக செயல்பட்ட காரணத்தால் லிவர்பூல் அணியால் கோல் அடிக்க இயலவில்லை. மான்செஸ்டர் யுனைடெட் அணியின் கவுண்டர் அட்டாக் முறை சிறப்பாக செயல்பட்டது, இதனால் லிவர்பூல் அணியினரால் தைரியமாக தாக்குதல் ஆட்டத்தில் ஈடுபட முடியவில்லை. முதல் பாதி 1-1 என்ற கோல் கணக்கில் முடிவடைந்தது.

பார்சிலோனா வெற்றி: மெஸ்ஸி இல்லாமல் தடுமாற்றம்!

இரண்டாம் பாதியில் புயல் வேகத்தில் துவங்கிய மான்செஸ்டர் யுனைடெட் அணிக்கு கவுண்டர் அட்டாக் மூலம் மேலும் ஒரு கோல் கிடைக்க 2-1 என்ற கோல் கணக்கில் முன்னிலை பெற்றது. தொடர்ந்து தாக்குதல் ஆட்டத்தில் ஈடுபட்ட லிவர்பூல் அணியினருக்கு சாலா ஒரு கோல் பெற்றுத்தந்தார். இதன் மூலம் 2-2 என்ற கோல் கணக்கில் ஆட்டம் சமன் பெற்றது. ஆட்டத்தின் இரண்டாம் பாதியில் சாலாவிர்க்கு கிடைத்த இரண்டு சந்தர்ப்பங்களை நழுவ விட லிவர்பூல் அணிக்கு வெற்றி வாய்ப்பு நழுவியது. ஆட்டத்தின் என்பதாவது நிமிடத்தில் மான்செஸ்டர் யுனைடெட் அணியின் நட்சத்திர வீரரான புருனோ, கிடைத்த ஃப்ரீகிக்கை கோலாக மாற்ற 3-2 என்ற கோல் கணக்கில் வெற்றி பெற்றது.

இந்த ஆட்டத்தில் இரு அணியினரும் அட்டகாசமான ஆட்டத்தை வெளிப்படுத்தினர், லிவர்பூல் அணியின் தாக்குதல் ஆட்டக்காரர்களாள் மான்செஸ்டர் யுனைடெட் அணியின் தடுப்பு ஆட்டத்தை மீறி பெரிய அளவில் வாய்ப்புகளை ஏற்படுத்த முடியாமல் போனது மான்செஸ்டர் யுனைடெட் அணிக்கு வெற்றியை தேடி தந்தது. தொடர்ந்து சிறப்பான ஆட்டத்தை வெளிப்படுத்தி வரும் மான்செஸ்டர் யுனைடெட் அணி இந்த ஆண்டு பல கோப்பைகளை தட்டிச் செல்லும் என்று எதிர்பார்க்கப்படுகிறது.

Mobile AppDownload Get Updated News


Viewing all articles
Browse latest Browse all 2245

Trending Articles



<script src="https://jsc.adskeeper.com/r/s/rssing.com.1596347.js" async> </script>