அதன் அடிப்படையில் லா லிகாவில் வெற்றி பெற்றவரர் இரண்டாவது இடம் பிடித்தவர் மேலும் கோப்பா டெல் ரேவில் வெற்றி பெற்றவர் இரண்டாம் இடம் பிடித்தவர் என நான்கு அணிகள் பங்குபெறும் என்று அறிவிக்கப்பட்டது. இதன் அடிப்படையில் லா லிகா வென்ற ரியல்மாட்ரிட் அணி இரண்டாம் இடம் பிடித்த பார்சிலோனா அணி, மேலும் கோப்பா டெல் ரே கோப்பையின் இறுதிப் போட்டி நடைபெறாத நிலையில், இறுதி போட்டிக்கு முன்னேறிய அணிகளான ரியல் சோசைடோ மற்றும் அட்லடிக் பில்பாவோ அணிகள் விளையாடின.
இன்று அதிகாலையில் இரண்டாம் அறை இறுதியில் அட்லடிக் பில்பாவோ அணியும் ரியல் மாட்ரிட் அணியும் மோதின. ஆட்டத்தின் துவக்கத்திலிறுந்து மந்தமாகவே அமைந்தது. இரு அணிகளும் பொறுமையாக விளையாடினர், ஆட்டத்தின் 19வது நிமிடத்தில் ரியல் மாட்ரிட் அணியின் லூக்கஸ் வாஸ்கஸ் தவறுதலாக எதிரணியின் டானி கார்சியாவிர்க்கு பாஸ் செய்ய அதை அவர் அணியின் ராவுல் கார்சியாவிர்க்கு சிறப்பாக வாய்ப்பை அமைத்து தர, அதை அற்புதமாக கோலாக மாற்றினார். 1-0 என்று பில்பாவோ அணி முன்னிலை பெற்றதால் ரியல் மாட்ரிட் அணி ஆட்டத்தில் சற்று வேகம் எடுக்க தொடங்கியது.
டாப் 10 முன்னேறும் வாய்ப்பை நழுவ விட்டது ஆர்சனல்: டிராவில் முடிந்த ஆட்டம்!
ஹசார்ட், க்ரூஸ், பென்சீமா என அனைவரும் தங்கள் பங்கிற்கு கோலை நோக்கி பந்துகளை அடித்துக்கொண்டே இருந்தனர், ஆனால் கோல் கிடைத்த பாடு இல்லை. மறுமுனையில் பில்பாவோ அணியின் மார்டினஸை, லூக்கஸ் வாஸ்கஸ் தட்டி விட அது பெனால்டியாக மாறியது, முதல் கோல் அடித்த ராவுல் கார்சியா அவருக்கு கொடுக்கப்பட்ட பெனால்டியை கோலாக மாற்றினார். இதனால் ஆட்டத்தின் முதல் பாதி 2-0 என்ற கோல் கணக்கில் முடிந்தது.
இரண்டாம் பாதியை முற்றிலுமாக ஆதிக்கம் செலுத்தியது ரியல் மாட்ரிட் அணி. மறுமுனையில் பில்பாவோ கடுமையாக தடுப்பாட்டத்தில் ஈடுபட்டது, இதனால் ரியல் மாட்ரிட் அணியினர் பில்பாவோ அணியின் தடுப்பாட்டத்தை துளைக்க எவ்வளவு பாடுபட்டும் முடியாமல் போனது. ஆட்டத்தின் 73வது நிமிடத்தில் ரியல் மாட்ரிட் அணிக்காக பென்சீமா கோல் அடிக்க அது ஆஃப்-சைட் ஆக கொடுக்கப்பட்டது.
ஆனால் மறுபரிசீலனை செய்யப்பட்டு மீண்டும் கோலாக கொடுக்கப்பட்டது. ஆனால் அதன்பின் நடத்திய மாட்ரிட் அணியின் தாக்குதல்களை எளிதாக செயலிழக்கச்செய்தனர் பில்பாவோ அணியினர். இறுதியாக ஆட்டத்தை 2-1 என்ற கோல் கணக்கில் பில்பாவோ அணி வெற்றி பெற்று இறுதி போட்டிக்கு முன்னேறியது.
Mobile AppDownload Get Updated News